鍾菜 (已結業)

今日中午黎食解穢酒，親友之前已訂座。照專業人士講，嗌8道菜。咁就叫咗人黎落單啦，點知主要菜式 - 燒豬，冇！ 下？講到明係解穢酒/纓紅宴，點會冇燒肉？知客小姐話乜野燒味都冇，要預訂先會有。當客人打黎話要訂相關傳統宴席時，如何可以提下需要預定有關食品先會有嘅話，係咪好啲呢？親友知悉此事後，話會去鄰近德福自己購買，而知客小姐就表示：會收取一百元外來食物收費。在此勸喻各位，以後各位訂酒席時，要燒味嘅話，記得提醒茶樓方預留相關菜式，如果唔係要自行解決之餘，仲要被收取額外費用就無謂。如果 貴店會睇嘅話，希望可提醒訂座客人需預訂某些菜式，否則可能無法提供，從而避免以上事件再次發生就好喇。