Metropolitan Cafe (已結業)

人在金鐘，有一小時的空檔希望搵個地方坐下休息下，係pacific place又唔係太多選擇，所以就黎左呢度坐下啦。五點到大概放工時間估唔到都好多人喎，不過眼見大家都係係度傾下計休息下，地方唔大但唔算特別好坐，不過我揀左個側邊位就可以自成一角無咁嘈。快餐形式先俾錢再拎食物，由於好快就晚飯，所以我只係揀左件blueberry cheese cake再加杯small latte，慢慢hea下。我鍾意件芝士蛋糕唔係太大件，份量剛剛好食完一D都唔會飽，而且佢既味道幾淡唔會好漏呢。芝士味唔濃，味道係偏甜多，但又幾好食喎~~~ 唔係粒粒blueberry，有d似藍莓乾咁，表面有一層有d似啫喱既物體咁幾得意的。餅底偏淋而且無咩香味，所以其實佢只係一般，但細細件size真係剛剛好。small latte少少奶泡都無 (其實我都唔知應該有無)，望落個樣有d似即磨咖啡，但飲落咖啡味真係好淡，奶味係幾重的，只能夠講佢唔酸唔澀唔苦，非常易入口。野食唔係太好食，野飲都唔太好，又唔係坐得好舒服，但附近要搵個地方坐下hea下的確係一個選擇，anyway，都多謝佢俾多過左平靜既一小時。