睿居酒屋 (已結業)

之前有朋友推薦過E間睿居酒屋，話環境幾舒服野食又幾好。放假出到銅鑼灣，就順便過去試試。餐廳位置唔算太難搵，係中央圖書館出發大概5-10分鐘。去到見到門面幾清幽，有隱世小店既感覺。蟹肉沙律——味道十分鮮甜烤魚——魚皮有D煎儂左，不過好多肉汁好滑！！串燒——見到都流曬口水，雖然串燒好難唔好食，但覺得黑毛豬肉串真係好好食，好想再食幾串紙鍋——第一次食，真係燒張紙   不過張紙好似有層蠟係度，摸落去都唔會好熱，唔驚燒著ga！覺得個鍋好得意，影相呃LIKE之選。味道就比較清淡。廣島生蠔，真係大隻，聞到海水味，滑捋捋,好fresh!總括：食物唔錯材料新鮮，價錢中上（無得日日食）。見好似幾多熟客仔，如果想搵一間有日本風味既居酒屋，食餐好既可以一試🙌🏻