影片
更多
2019-03-24
221 瀏覽
見朋友介紹所以黎試下呢間餐廳，餐廳d位都幾迫，食物質素一般，整體黎講係一個幾唔愉快既經歷。我同朋友夜晚7點左右一齊去，我地有三個人，點知侍應比左最邊邊個張二人枱比我地，個位都幾細，我地又勁多野拎住，冇乜位可以放野。另外，個角頭位其實都幾暗，睇menu個陣已經想幫佢打燈。一開始望落個menu都ok,我地都嗌得都算多野食，7樣野食加3杯野飲，唸住一路食野一路同朋友吹水，點知食食下有位女侍應走黎話由於人多，所以用餐時間得45分鐘，完全唔係路。第一，點解排隊個陣唔同我地講，如果用餐時間得咁短,呢度完全唔係一個適合同朋友黎聚會既餐廳，我地亦都唔會揀。第二，連一個鐘都冇，出面正常都有90分鐘啦，出面的確有人排隊，但唔係人多就趕客架嘛？為左做多d生意，完全唔食客既感受。第三，不停趕，食到勁想嘔。去到45分鐘，個女侍應又黎，佢話因為已經夠鐘，我地要食快少少。大佬叫咁多野點食咁快，我地已經係咁食，因為台灣野d滷肉炸野都濟，食到飽飽地都冇得抖一抖。 食物方面，整體都正常，見網上好多人都話蛋餅好食，但我同朋友覺得都算普通，味道ok，但唔會係一間你會覺得好味到要再黎食，所有野食味道都係正路。最後我同友人食唔晒
我同朋友夜晚7點左右一齊去，我地有三個人，點知侍應比左最邊邊個張二人枱比我地，個位都幾細，我地又勁多野拎住，冇乜位可以放野。另外，個角頭位其實都幾暗，睇menu個陣已經想幫佢打燈。
一開始望落個menu都ok,我地都嗌得都算多野食，7樣野食加3杯野飲，唸住一路食野一路同朋友吹水，點知食食下有位女侍應走黎話由於人多，所以用餐時間得45分鐘，完全唔係路。
第一，點解排隊個陣唔同我地講，如果用餐時間得咁短,呢度完全唔係一個適合同朋友黎聚會既餐廳，我地亦都唔會揀。
第二，連一個鐘都冇，出面正常都有90分鐘啦，出面的確有人排隊，但唔係人多就趕客架嘛？為左做多d生意，完全唔食客既感受。
第三，不停趕，食到勁想嘔。去到45分鐘，個女侍應又黎，佢話因為已經夠鐘，我地要食快少少。大佬叫咁多野點食咁快，我地已經係咁食，因為台灣野d滷肉炸野都濟，食到飽飽地都冇得抖一抖。
食物方面，整體都正常，見網上好多人都話蛋餅好食，但我同朋友覺得都算普通，味道ok，但唔會係一間你會覺得好味到要再黎食，所有野食味道都係正路。
最後我同友人食唔晒走左，完全唔推薦呢間餐廳，明明唔係一間快餐店，食完又唔係曉飛，weekend唸住搵跟好餐廳同朋友傾下計，點知失晒預算，以後都唔會再黎依間咁差既餐廳。
張貼