影片
更多
2022-05-06
336 瀏覽
睇完YouTube推介之後決定試吓呢一間人氣好高嘅平民壽司店本身抱住滿懷希望嘅心情入去食，點知食物質素真係強差人意一入到店舖之後店員就安排咗我哋坐接近窗口嘅位置一坐低已經摸到張枱有少少笠笠地加上佢所提供嘅綠茶茶味欠奉有少少失色但係接下落嚟嘅食品質素就真係令我大失所望首先一間日本壽司店最應該同埋基本要做好嘅一道餸係茶碗蒸如果連一碗茶碗蒸都蒸到炒晒咁師傅嘅功力都可見一斑不過好彩食落味道就唔太大分別係冇咁滑嫩姐之後服務員都陸續遞上我哋所叫嘅壽司老老實實尤其係魚生真係唔係太新鮮而三文魚仲比我食到一浸怪味添不過反而刺身就冇咁誇張個新鮮程度比起壽司上面嘅魚生好但係亦都算唔上新鮮除此之外令我有少少失望嘅仲有佢嘅芝士年糕首先賣相麻麻加上一睇就知道係平時喺超級市場買到嘅氣炸鍋料理令我諗唔到有咩理由要去一間日本餐廳特登俾錢食佢不過有彈就有讚我覺得佢嘅油炸豆腐做得唔錯尤其是係上面嘅蘿蔔蓉配搭起嚟個味道都幾好食令人感覺清新加上個鵝肝壽司亦都真係值得推薦個鵝肝脆得來上面嗰層焦糖亦都為呢個壽司加咗唔少層次係我成餐飯覺得最好食嘅兩道餸叫做挽回返少少印象分咁啦話說成餐飯都食咗400幾蚊老老豆豆就唔係好抵啦其實我都10
決定試吓呢一間人氣好高嘅平民壽司店
本身抱住滿懷希望嘅心情入去食，點知食物質素真係強差人意
一入到店舖之後
店員就安排咗我哋坐接近窗口嘅位置
一坐低已經摸到張枱有少少笠笠地
加上佢所提供嘅綠茶茶味欠奉有少少失色
但係接下落嚟嘅食品質素就真係令我大失所望
首先一間日本壽司店最應該同埋基本要做好嘅一道餸係茶碗蒸
如果連一碗茶碗蒸都蒸到炒晒
咁師傅嘅功力都可見一斑
不過好彩食落味道就唔太大分別係冇咁滑嫩姐
之後服務員都陸續遞上我哋所叫嘅壽司
老老實實
尤其係魚生真係唔係太新鮮
而三文魚仲比我食到一浸怪味添
不過反而刺身就冇咁誇張
個新鮮程度比起壽司上面嘅魚生好
但係亦都算唔上新鮮
除此之外令我有少少失望嘅仲有佢嘅芝士年糕
首先賣相麻麻
加上一睇就知道係平時喺超級市場買到嘅氣炸鍋料理
令我諗唔到有咩理由要去一間日本餐廳特登俾錢食佢
不過有彈就有讚
我覺得佢嘅油炸豆腐做得唔錯
尤其是係上面嘅蘿蔔蓉配搭起嚟個味道都幾好食
令人感覺清新
加上個鵝肝壽司亦都真係值得推薦
個鵝肝脆得來上面嗰層焦糖亦都為呢個壽司加咗唔少層次
係我成餐飯覺得最好食嘅兩道餸
叫做挽回返少少印象分咁啦
話說成餐飯都食咗400幾蚊
老老豆豆就唔係好抵啦
其實我都10分支持💛食肆
只不過希望我呢一篇食評可以鞭策到佢哋提高返食品嘅質素
唔好食老本
咁樣先至唔好遭人話柄話💛店就唔好食㗎嘛！
希望下次來可以好食啲
張貼
