影片
更多
2011-05-18
25 瀏覽
轉左部門之後, 好耐都冇同之前d team友出黎食好野, 約左好幾個星期, 終於夾到時間出黎食餐好既........由於book左位既關係, 門口排曬隊都影響唔到我地既順利進入, 呆等左5分鐘左右就入得座喇......呆等既5分鐘, 響門口見到廚房師傅燒燒燒, 攪到我流曬口水, 一坐低, 二話不說就拎住張單亂咁剔, 狂order~~~響我點緊野食既同時, 有個羊咩鬚既年青人走過黎sell我地燒鯛魚, 好, 餓到我真係sell乜要乜呀......order完, 坐左一陣就有野食到喇.......牛利 -- 有咬口又彈口, 仲有少少紅紅地, 口感同味道都好好.....推介羊架 -- 羊肉羶味少, 小弟就覺得麻麻地, 因為我鐘意食羶....肉質都ok既.....金菇肥牛卷 -- 肥牛有肥牛味, 金菇有金菇味.......扯, 金菇肥牛呢d膽黎架啦, 想整得難食都難呀.....呢度好就好在d料就新鮮, 所以味道同街邊係有分別既~~~墨魚咀 -- 外面脆, 入面仲淋淋地, 唔會燒乾曬, 唔錯....燒豬腩肉 -- 同事覺得唔好食, 我就覺得唔錯喇.....我諗佢衰就衰在d薑蓉, 連薑蓉食入口就真
由於book左位既關係, 門口排曬隊都影響唔到我地既順利進入, 呆等左5分鐘左右就入得座喇......
呆等既5分鐘, 響門口見到廚房師傅燒燒燒, 攪到我流曬口水, 一坐低, 二話不說就拎住張單亂咁剔, 狂order~~~
響我點緊野食既同時, 有個羊咩鬚既年青人走過黎sell我地燒鯛魚, 好, 餓到我真係sell乜要乜呀......
order完, 坐左一陣就有野食到喇.......
牛利 -- 有咬口又彈口, 仲有少少紅紅地, 口感同味道都好好.....推介
羊架 -- 羊肉羶味少, 小弟就覺得麻麻地, 因為我鐘意食羶....肉質都ok既.....
金菇肥牛卷 -- 肥牛有肥牛味, 金菇有金菇味.......扯, 金菇肥牛呢d膽黎架啦, 想整得難食都難呀.....呢度好就好在d料就新鮮, 所以味道同街邊係有分別既~~~
墨魚咀 -- 外面脆, 入面仲淋淋地, 唔會燒乾曬, 唔錯....
燒豬腩肉 -- 同事覺得唔好食, 我就覺得唔錯喇.....我諗佢衰就衰在d薑蓉, 連薑蓉食入口就真係有冇d攪錯左既感覺呢, 小弟入口前就片走曬d薑蓉, 所以食落去就覺得好食, 好爽口, 又食到佢d腩肉肥肥地, 幾好味........
燒羊串 -- 肉質有d鬆散, 都係唔太夠羊味, 但羊味算係比起羊架重少少.......
燒鵪鶉蛋 -- 唔係好覺佢燒過, 有d搵笨咁.........
燒黃鱔 -- 肉質好好, 彈牙唔鬆散, 鱔味夠, 唔錯........
燒多春魚 -- 勁好食, 好香口, 又脆身, 翻左兩次單, 正...........
燒雞中翼 -- 好食, 同我自己bbq既差唔多......哈哈.......嬴在佢有孜然粉...........
燒鯛魚 -- 魚脆肉嫩, 我連魚鱗都食曬, 個魚肚釀左d香料, 冇曬腥味, 正~~
燒久菜 -- 絕對唔可以一大秋咁食, 逐條食就好好食, 如果一大秋咁食, 係會咬唔爛架.......不過小弟覺得好好味........
整體黎講, 野食係好食既, 不過出野食就好有問題, d未黎既野食佢地都會亂咁畫單, 追單追到氣咳...........
不過真係值得一讚既就係佢個羊咩鬚老細, 勁好傾勁好玩, 又同我地飲幾杯, 又吹曬水咁, 最正既就係佢入黎同我地鏈埋骨, 嘩, 真係邊度搵.......
成間野有好多檯都好玩得, 好似去左P咁, 最後發現廁所有人湯緊, oh....呢個場究竟係食野定係飲野架.........haha~~~
順帶一提, 尋日睇電視廣告, 珮夫人既廣告好似見到羊咩鬚老細, 廣告入面寫佢係串燒店老細, 叫做asaka, 唔知有冇睇錯...........
張貼
