Pantry Bread & Pastries (已結業)

有日想去九龍城食泰國野，經過侯王道發現一間麵包西餅店，咪行入去睇下。裝修標致，以木材做主題，有一種舒服同英式感覺。裏面既餅都好靚，例如特色既積木cake,花花cup cake...由於我個人鍾意食栗子，所以簡左栗子餅。首先栗子餅唔會太甜，上面既栗子蓉一絲一絲咁，入口溶化，好滑!我認為係香港都數一數二。之後仲叫左杯熱朱古力，但無乜特別。走果時，見到佢有d自家曲奇同麵包賣，店員既態度好nice。介紹左我食伯爵茶曲奇!我試完即買，曲奇唔太甜，好鬆化，最重要有濃濃伯爵茶既香味。鐘意伯爵茶既人必試!!!ps.見到店內有賣情人節cake,賣相好靚。多謝pantry令我有個愉快週末，店員話遲d有 all day breakfast!一定再黎幫襯!