泰妹餐廳 (已結業)

今晚同男朋友提早興祝生日，見到泰妹新開冇耐就黎試下。七點十分左右已經入座，揀左個二人套餐：肉碎生菜包，蝦餅，春卷（返到屋企寫食評先記得個春卷直至消失天與地）冬蔭海鮮湯海南雞雲尼拿雪糕多士泰式凍檸茶，男朋友要左泰式凍檸水其實點餐既時候已經開始出現問題⋯⋯首先，一早就已經話要個二人餐，到講好曬食咩既時候，個服務員定唔知經理先傻下傻下話我地要個二人餐⋯之後惡夢就開始，首先係服務員先生講檸水只係有凍，點知上台既時候竟然變左熱。我地叫返服務員先生換返杯凍，再上台既時候好明顯睇得出呢杯‘凍檸水’其實只係換左隻杯加返兩粒冰就算，因為已經再見唔到有半粒冰既出現同埋少少甜味都冇，再見到服務員既時候已經叫佢幫手拎啲糖水過黎，但到左最後都係冇左件事⋯坐左一陣我地叫既食物開始出場，首先係蝦餅，中規中矩；海南雞，啲肉都滑既，幾好味；生菜包，竟然唔差，起碼唔會太咸；冬蔭功湯，雖然係咸左少少，但好香⋯但之後惡夢再次出現食飽飽就緊係到我最鍾意既甜品出場我地叫左位女服務員個甜品可以上得，但女服務員一頭霧水，問我地係咪叫左個二人餐，我地話係，之後我見到佢同另一位著黑色衫既小姐講完一啲話之後位女服務員問我地邊個同我地落單，