萬豚屋

營業中

休息中

我同我老公星期二晚去試下佢地既烏冬同食物。我地坐低既時候餐廳有八成滿座。我地好快地決定左叫啲咩食，同時佢地其中一個侍應都同我地對我地叫既野然後好快上左我地既飲品。時間過左大概半小時，呢半小時我地見證到每一張枱都有佢地叫既食物但係唯獨我地仲未有。我老公話唔緊要，可能廚房比較忙。我哋繼續等，幾個侍應經過我地張枱都望一望但係唔出聲。跟著有一位侍應過黎，我地以為佢會跟進我地既order (因為得我地未有野食，連俾我地遲啲入黎既都有得食），但係佢過來係想我地坐埋一邊讓一邊卡位俾排緊隊嘅食客。個一刻我地就好無奈地問，你叫我地郁唔緊要但係點解我地食物都未黎？佢跟進後話廚房留單，2分鐘會出。佢跟住攞張入單紙比我地。我眼見原来我哋等左多過半小時同時佢哋只係入左一碗烏冬（我地仲叫左好多小食，佢地都冇入），佢哋啲員工完全無諗過幫我地跟進。我地想埋單走佢堅持唔想。到埋單嘅時候，負責入單嘅侍應完全無道歉，連基本既謝謝都冇講。我冇機會試佢哋嘅野食。我同我老公都覺得我地算好有耐性但係佢地既員工嘅服務實在太失望。我好少會上網寫review. 但係佢地既服務質素實在太差。