影片
更多
2010-01-17
13 瀏覽
OT到9點幾，又凍又餓，因為就腳，於是到isquare醫肚。見Pho24已開業，急不及待入去嘆番碗越南牛河暖曖胃，點知，勁失望…Order左雜錦牛河(我想應該同火車頭差不多吧)，一上檯就知唔對路，湯色深黑，芽菜&金不換(九層塔)已經放左落碗湯河裡面，只有青檸辣椒另上。金不換只得一兩片，少得可憐…喝一口湯，竟然同我屋企樓下間魚蛋粉有D似，完全唔覺有牛味，我未去過越南間Pho24，唔知正宗牛河係咪咁味道？？如果呢D先係正宗，我諗我會鍾意食香港既越南河多D囉…講番碗粉，河粉尚算幼滑(但係呢樣野同廚師技術無關)，牛肚無味兼且硬，牛筋亦一樣，牛丸直情係街市貨色，比一般港式粉麵店還要差，生牛肉一般，冇咩特別，最好反而係牛腩，可惜太肥，有幾塊牛腩直情係100%肥膏，點食？最後可以入口既牛腩加埋只得一塊…侍應態度差，食食下有個侍應無端端遞張單過黎叫你埋單，我以為佢搞錯叫佢check下，點知佢反問我:同事冇同你講已經last call同埋叫你埋左張單先咩？我答冇，佢仲要撐話同事已經講左(語帶不耐煩)…其實你想我埋單冇所謂，但可唔可以有禮貌D呢？總言之，呢間野完全係我意料之外…咁差！
Order左雜錦牛河(我想應該同火車頭差不多吧)，一上檯就知唔對路，湯色深黑，芽菜&金不換(九層塔)已經放左落碗湯河裡面，只有青檸辣椒另上。金不換只得一兩片，少得可憐…
喝一口湯，竟然同我屋企樓下間魚蛋粉有D似，完全唔覺有牛味，我未去過越南間Pho24，唔知正宗牛河係咪咁味道？？如果呢D先係正宗，我諗我會鍾意食香港既越南河多D囉…講番碗粉，河粉尚算幼滑(但係呢樣野同廚師技術無關)，牛肚無味兼且硬，牛筋亦一樣，牛丸直情係街市貨色，比一般港式粉麵店還要差，生牛肉一般，冇咩特別，最好反而係牛腩，可惜太肥，有幾塊牛腩直情係100%肥膏，點食？最後可以入口既牛腩加埋只得一塊…
侍應態度差，食食下有個侍應無端端遞張單過黎叫你埋單，我以為佢搞錯叫佢check下，點知佢反問我:同事冇同你講已經last call同埋叫你埋左張單先咩？我答冇，佢仲要撐話同事已經講左(語帶不耐煩)…其實你想我埋單冇所謂，但可唔可以有禮貌D呢？
總言之，呢間野完全係我意料之外…咁差！
張貼