魚鮮生刺身專門店 (已搬遷) 新店位置

咁劣質的日本食物竟然夠膽打入拉面街⋯銅鑼灣登龍街昨晚一行三人見佢搬遷新開張入去試下，因大家唔係好肚餓，所以叫左小食壽司，炒菜及魚生試下新唔新鮮，上枱時魚生非常吸睛，即刻手機食先豈料放入口內完全失望，雪得太耐，無味炒菜多油，壽司又係用爛飯整,其他食物賣相太平凡所以無影相，原先叫燒雞拉麵，點知嚟左燒雞飯，因上菜太慢，所以無更換，就係咁中伏，強調日本珍珠米，飯質軟爛，成pat野，無可能食得入口，嬲到忘記影下罪証，埋單時多口問侍應點解會咁，佢再強調珍珠米是這樣的，講到一半佢亞頭叫佢收聲，唔好講咁多，即係有問題喇，真係未食過咁難食嘅日本菜，唔會再幫襯