影片
更多
2012-09-03
368 瀏覽
我一直對翻熱食品無興趣，所以呢間波仔開張咁耐我都無幫襯過，但有一次與同事路經一間波仔時，佢雙眼發光咁拉我入去睇，話波仔啲食物又平又好味，好想買。但嗰次我哋約咗人食飯唔方便買，我就應承幫佢買，我買既時候又順便買咗兩個畀自己。我係29/8買既，買咗薯蓉粟米炸雞(原價$25, 特價$23)，同埋雪菜肉絲炒米($10)畀自己。30/8 午餐先試薯蓉粟米炸雞，有兩件炸雞，薯蓉同粟米既分量都唔少，數量方面合格。叮熱之後飄來陣陣炸雞香味，食落味道都OK，但雞肉比較乾。薯蓉亦撈定咗薯蓉汁，唔會淡戊戊。可惜既係，成個餐都好油，叮完之後個盤已經有唔少油係度，食落亦覺得好油、好滯，我已經唔想浪費，盡量食多啲，但食咗一半就真係頂唔順，放棄咗。3/9 午餐試雪菜肉絲炒米，米粉既分量超多，相比起唻雪菜肉絲既分量唔係好夠，但$10分唻計都已經唔算少。今次為免又油都食唔落，所以食之前先用熱水沖一沖先。但..........我嗅到一陣怪味，好似「宿」咗，明明4/9先到期喎！鼓起勇氣食咗兩啖，味道好淡 (可能畀水沖走啲汁掛)，啲肉又無肉味.......。為免食壞自己，我只係食咗兩啖試味 (反正唔好食)，倒咗。我唔知係咪我
我係29/8買既，買咗薯蓉粟米炸雞(原價$25, 特價$23)，同埋雪菜肉絲炒米($10)畀自己。
30/8 午餐先試薯蓉粟米炸雞，有兩件炸雞，薯蓉同粟米既分量都唔少，數量方面合格。叮熱之後飄來陣陣炸雞香味，食落味道都OK，但雞肉比較乾。薯蓉亦撈定咗薯蓉汁，唔會淡戊戊。
可惜既係，成個餐都好油，叮完之後個盤已經有唔少油係度，食落亦覺得好油、好滯，我已經唔想浪費，盡量食多啲，但食咗一半就真係頂唔順，放棄咗。
3/9 午餐試雪菜肉絲炒米，米粉既分量超多，相比起唻雪菜肉絲既分量唔係好夠，但$10分唻計都已經唔算少。今次為免又油都食唔落，所以食之前先用熱水沖一沖先。但..........我嗅到一陣怪味，好似「宿」咗，明明4/9先到期喎！鼓起勇氣食咗兩啖，味道好淡 (可能畀水沖走啲汁掛)，啲肉又無肉味.......。為免食壞自己，我只係食咗兩啖試味 (反正唔好食)，倒咗。
我唔知係咪我唔好彩，買着唔好食既，但我覺得自己已經浪費咗$33之餘，亦搞到自己好折墮 (無衣食)。試過之後既結論係 ----- 我唔會再買。
張貼