Anchor’s Seafood and Beer House (已結業)

本身諗住揀呢間餐廳嘅目的係食生蠔，點知啲生蠔又細隻，話就話有即開生蠔，原來係搵埋啲書都未知讀完未嘅靚妹嚟開蠔，唔專業都不在話下，又同自己嚟食嘢啲豬朋狗友喺度傾晒計咁，啲豬又唔醒，明知人哋返緊工仲喺撩人度吹水，喺度害人害己，啲蠔已經開得慢架啦，仲傾到講晒粗口咁，排係後面等拎生蠔啲客聽住佢講粗口認真無奈，條隊已經排得長，開蠔嗰條友見係自己啲豬朋狗友就開六隻俾佢，唔識嗰啲就每人開兩隻，幾咁公平喎，如果唔係自己揸車都唔會嚟啲咁格攝嘅地方食餐咁差嘅飯，請我都唔會再嚟！