丸亀製麵 (淘大商場) (已結業)

好少喺食丸亀製麵呢類型嘅餐廳。同埋淘大嘅餐廳話多唔多，話少唔少。經過見到，當然要入去試下啦！呢間野個系統同好多日本食店一樣，先揀麵款，再揀炸物同飲品，最後俾錢。呢間野麵款真係幾多下，我最後決定叫個蕃茄牛肉烏冬，湯底味道Okay, 蕃茄味夠濃味，好鮮甜，但係湯底唔夠熱，未至於凍，但都差無幾。烏冬幾好，夠爽口彈牙，牛肉亦不過不失。另外我叫咗三款天婦羅，有蝦、蕃薯同茄子。總括嚟講，全部天婦羅都凍冰冰，又淋又勁大油膱味，完全唔掂！橙味飲品普普通通，冇特別！