好包 (已結業)

叫左個椒鹽雞翼包同豬腩肉包，打開個包就知中伏了 豬腩肉包d汁多到流晒出嚟，太多汁了，多到個包索晒d汁，好鹹！真係好鹹！本身個汁已經唔好食，仲要大量咁擺落個包度，唔知店家點解會咁做，可能佢覺得自己整嘅汁好好食，但我真心想叫佢自己試下，味道稍為正常嘅人都唔會食到咁鹹。另外，豬腩肉超肥，都唔緊要，始終是腩肉嘛，但係無理由唔幫d腩肉去除連住腩肉嘅白色軟骨吧，我未試過食包要食食下吐返d白色硬過石頭嘅軟骨出嚟囉！ 明顯店家係是但整就算，唉～椒鹽雞翼包，呢個仲騎呢，亳無椒鹽味，雞翼texture亦古古怪怪都唔知自己食緊乜咁，唉，我成日都諗你開得餐廳，應該係覺得自己整d野好食先會開店，但點解整得咁真心難食都有勇氣開店。。。anyway, 唔會有下次啦， 太差了！