華叔海鮮飯店

營業中

休息中

朋友介紹話佢呢間小炒好好食，咁就去試一次啦，永遠都要自己試過先知，每個人嘅口味都有唔同嘅要求風格，不過睇相就知炸子雞炸到黑晒乾晒柴晒，佢都照俾我哋食，生炒骨仲差過買兩餸飯嗰啲，另外有一個係薑蔥魚雲煲，因為呢兩個餸已經極度失望薑蔥魚雲煲嚟到已經唔抱任何期望，相都唔想影啦，算吧啦，炸子雞係咪師傅冇睇火啊，炸到咁樣，生炒骨我出去買兩餸飯嗰啲都仲有香味，薑蔥魚搵煲真係好鯹，朋友你係咪整蠱我呀叫我去食，當晚高朋滿座，好多街坊都入廚房同華嫂打招呼，原來好多嘢食都係由華嫂煮，係咪我哋唔識叫餸，叫唔中佢拿手嘢或我哋啲嘢係由另外個師傅煮。