影片
更多
2024-06-23
355 瀏覽
見yoho mix新開 無咩期望底下入去試下。2個人叫左個至尊burger, 芝士安格斯肉醬意粉, 烤磨菇沙律, 升級套餐加左個龍蝦湯。首先黎個龍蝦湯 - 稀到不行，罐頭加水貨式，最騎呢係入面有幾隻急凍蝦，都叫爽嘅，但呢個係龍蝦湯唔係大蝦湯，有d多餘，不如你搞好咗個湯底先。第二樣黎左個意粉 - 個汁又係稀到... 又係罐頭醬加水貨式，完全見唔到/食唔到有芝士，肉醬似係用滾水烚熟咗一堆碎肉再撈落個稀到不行嘅罐頭汁裡面，我都唔識評論佢果d係安格斯肉定咩，反正就係差。當刻我朋友仲為佢平反 - 咁人地主打burger。哦，咁等埋個Burger...Burger - 個包無煎 / 煎唔香已經係failed，2塊好厚嘅漢堡份量十足但完全無味。Burger黎講呢2個靈魂食材都已經唔掂，其他野都無野好講啦。最後果個烤磨菇沙律，算啦都係現成野，無咩好comment。埋單$400+另外入面好熱 但門口cashier位個冷氣就超勁, 座位坐得唔舒服，我坐果張凳仲要無椅背，叫佢俾左小凳仔放下嘢都無，話派晒。然後我捧住部電腦喺大脾熱住又無得挨咁食左餐咁嘅質素嘅新開餐廳。補充一下：其實我明好多餐廳都係用罐頭開汁，
2個人叫左個至尊burger, 芝士安格斯肉醬意粉, 烤磨菇沙律, 升級套餐加左個龍蝦湯。
首先黎個龍蝦湯 - 稀到不行，罐頭加水貨式，最騎呢係入面有幾隻急凍蝦，都叫爽嘅，但呢個係龍蝦湯唔係大蝦湯，有d多餘，不如你搞好咗個湯底先。
第二樣黎左個意粉 - 個汁又係稀到... 又係罐頭醬加水貨式，完全見唔到/食唔到有芝士，肉醬似係用滾水烚熟咗一堆碎肉再撈落個稀到不行嘅罐頭汁裡面，我都唔識評論佢果d係安格斯肉定咩，反正就係差。
當刻我朋友仲為佢平反 - 咁人地主打burger。哦，咁等埋個Burger...
Burger - 個包無煎 / 煎唔香已經係failed，2塊好厚嘅漢堡份量十足但完全無味。Burger黎講呢2個靈魂食材都已經唔掂，其他野都無野好講啦。
最後果個烤磨菇沙律，算啦都係現成野，無咩好comment。
埋單$400+
另外入面好熱 但門口cashier位個冷氣就超勁, 座位坐得唔舒服，我坐果張凳仲要無椅背，叫佢俾左小凳仔放下嘢都無，話派晒。然後我捧住部電腦喺大脾熱住又無得挨咁食左餐咁嘅質素嘅新開餐廳。
補充一下：其實我明好多餐廳都係用罐頭開汁，但只要係份量比例啱，再落番d新鮮少少嘅配料，其實個客都唔會點詐型。但你衣家成個廚房都好似唔識煮嘢咁... 新開已經咁，我都唔知你靠咩sustain落去。
張貼