影片
更多
2022-07-07
3465 瀏覽
#純粹表達個人意見 #長文 #希望大家睇到最後尋晚去咗朗廷酒店食自助餐，因為屋企人生日所以特登搵左呢間五星級酒店慶祝，但真係伏到喊！我哋全部食到皺晒眉，俾左咁多錢食呢啲質素，完全唔推介，唔想再有無辜人中伏！我同屋企人都覺得質素實在太差了。首先環境方面，一入到去黑黑暗暗，裝修好舊，可能間酒店好耐，座位好少，地方好細，呢啲唔係重點啦！之後坐低緊係出去攞嘢食啦，野食種類少到誇張，我以為自己喺staycation 食早餐，沙律，幾款熟食，船麵，生果，雖然有刺身區，海鮮區，但刺身係完全唔新鮮，龍蝦d肉都唔新鮮，生蠔又細隻唔新鮮，其他青口同螺完全唔想試都知咩料啦！好啦,之後到熟食，都係正常野，但都係擺咗好耐，都唔太熱咁，食咗個羊架，佢係用印度香料整既，可能太多香料已經冇咗羊味，我都唔知自己食緊乜，好無奈😮💨諗住試吓佢嘅片皮鴨啦！望到已經係唔會想食，乾到爆，應該係擺咗好耐唔係新鮮，我屋企人仲係隔離講左句:嘩！有冇搞錯，乾到咁點食啊！之後唔知係咪個廚師聽到，然後即刻換過一盤新嘅，咁我諗住會好少少，點知都係乾爭爭，個皮完全咬唔到勁硬。之後試咗個當歸燉雞湯，味道都算OK不過偏鹹。之後見冇乜嘢好食就轉戰甜
尋晚去咗朗廷酒店食自助餐，因為屋企人生日所以特登搵左呢間五星級酒店慶祝，但真係伏到喊！我哋全部食到皺晒眉，俾左咁多錢食呢啲質素，完全唔推介，唔想再有無辜人中伏！我同屋企人都覺得質素實在太差了。首先環境方面，一入到去黑黑暗暗，裝修好舊，可能間酒店好耐，座位好少，地方好細，呢啲唔係重點啦！之後坐低緊係出去攞嘢食啦，野食種類少到誇張，我以為自己喺staycation 食早餐，沙律，幾款熟食，船麵，生果，雖然有刺身區，海鮮區，但刺身係完全唔新鮮，龍蝦d肉都唔新鮮，生蠔又細隻唔新鮮，其他青口同螺完全唔想試都知咩料啦！好啦,之後到熟食，都係正常野，但都係擺咗好耐，都唔太熱咁，食咗個羊架，佢係用印度香料整既，可能太多香料已經冇咗羊味，我都唔知自己食緊乜，好無奈😮💨諗住試吓佢嘅片皮鴨啦！望到已經係唔會想食，乾到爆，應該係擺咗好耐唔係新鮮，我屋企人仲係隔離講左句:嘩！有冇搞錯，乾到咁點食啊！之後唔知係咪個廚師聽到，然後即刻換過一盤新嘅，咁我諗住會好少少，點知都係乾爭爭，個皮完全咬唔到勁硬。之後試咗個當歸燉雞湯，味道都算OK不過偏鹹。之後見冇乜嘢好食就轉戰甜品啦！佢有個朱古力噴泉，有葡撻，有馬卡龍，仲有幾款蛋糕選擇，仲有雪糕。先講個朱古力噴泉，朱古力勁苦之餘淋左d生果上面都唔係變脆皮，同普通淋朱古力醬冇分別，都算啦！諗住啲蛋糕會好食啦，全部味道都麻麻地，仲要偏甜，尤其係個tiramisu完全唔得，唯一覺得還可以嘅係葡撻同馬卡龍。最後食埋雪糕，佢哋話係用Häagen-Dazs雪糕，但我同屋企人試過之後都覺得唔似係Häagen-Dazs，因為佢啲雪糕正常唔會咁甜，味道都好唔同，比想像中更加甜。我唔明俾成$650一位既自助晚餐係啲咁嘅質素，真係出面食平少少三百幾蚊一位嗰啲自助餐質素都好過佢。我同屋企人係食到成肚火，正常自助餐係食到好飽，我哋完全係冇乜點食過野，最後忍唔住去船麵區叫個廚師整幾碗麵食算填飽個肚。真係好後悔book咗呢間酒店自助餐，呢個價錢真係喺出邊食到更多好質素嘅食物。今次我同屋企人一齊總共八個人，都要成五千幾蚊食啲咁嘅嘢真係好無奈😮💨仲話五星級酒店，講真四星酒店都好食過佢。唔怪之得成晚得幾台人去食，仲要有啲應該係黎staycation包埋自助餐嘅！以後都唔會再去呢一間食，環境差，種類少，食物質素更加差！更加唔好講味道了。實在太失望了，諗住屋企人生日慶祝帶佢食下自助餐，冇諗過最尾搞到佢哋又食唔飽，真係好掃興！佢哋話都未試過食完自助餐返到屋企係要食宵夜既！其實我都好過意唔去，俾咗個咁嘅回憶佢哋😔
52 瀏覽
0 讚好
0 留言
張貼
