極之拉麵

營業中

休息中

說真的，作為一名拉麵愛好者，無論點，我都會搵到 d 角度去欣賞一碗拉麵🍜。我今次食嘅係：基礎 真牡蠣🦪醬油拉麵🍜，另加左一份"鯛魚"。我搵到嘅角度真係非常有限。碗麵呢。。。首先碗麵一上，我一般嘅習慣都係會第一時間聞一啖香味先，點知，係冇乜香味，接近冇味，好明顯冇從油方面著手，完全唔香 。湯呢，唔難飲嘅，但只係一般你會响d普普通通嘅拉麵店食到嘅味道。豚骨一般，醬油味係有，魚介味食吓食吓都係有d，但魚介味道應該主係想來自d鰹魚粉，沉晒落底，食到一半打後先 feel 到。呢個湯比到我嘅感覺係，一d誠意都冇。麵同豬叉燒，算係最唔錯。牡蠣方面，因為今次我點嘅係基礎版，唔係終極版，所以麵只係跟左d蠔仔，即係大家食蠔餅，或台灣人叫蚵仔煎嘅蠔粒。以前有食過蠔餅，入面d蠔粒細還細，但蠔味還是好鮮。呢碗麵入面d蠔粒，可能因為唔當造呱，近乎冇味，淡，又粉。。。我另外叫左份"鯛魚"，感覺似咩呢？酸菜魚入面d魚，仲有d花椒嘅味道。我明白廿幾蚊份唔會比好靚料，不過冇諗過會入去間日式餐廳，食出大陸嘅風味姐。強烈地不推薦，冇下次。