添好運點心專門店 (已結業)

多年來我是潻好運粉絲，常向朋友推薦。海外有朋友來香港都帶他們去食，食後都是大讚。這間在北角的去過多次。四個月之前食過，那時點心質素還好好，服務態度也不覺有異。但今天中午去食，食物水準忽然是一落千丈，唔得。服務亞姐態度懶理不在話下，最替潻好運個名可惜的是，點心何解忽然差咗咁多。先講茶，給的第一壼茶只是暖。之後叫加水，攞咗個壺走就冇咗件事，要問幾次先有人攞返嚟。講到點心就更令人失望，蘿蔔糕，極其量是微微暖，跟以前新鮮熱辣差很遠。最出名的叉燒包，包身做得較硬，裡面的叉燒是大大舊帶肥肉帶筋，其中一隻再加一條毛，汁液如漿糊，唉！次次都食既釀尖椒，今次既魚肉似是落太多粉，質感差又冇乜味。咸水角很油，裡面的肉碎细似粉又乾。春卷也很油，餡除了食到太咸之外就唔知係咩嘢。煎堆餡又是不知所謂。連出名既馬拉糕也是發得過鬆，好像是太多發粉，而且份量細咗。潻好運多年的名氣得來不容易，點解忽然攪到咁？可惜！