第一腸粉專賣店

營業中

休息中

去開太子又去食下好耐冇去心思思想食嘅第一腸粉，去到叫咗豬潤腸、牛肉腸、鴨腎菜乾粥同埋鹹肉糭。收銀黑口黑面好似你爭佢錢咁無服務呢個大家都知，但係個腸粉真係難食到我一定唔會再幫襯，個腸粉皮厚過我腳底皮，仲差過一般酒樓食到嘅，仲好意思叫自己做第一腸粉，完全係倒數第一。我問收銀阿姐係唔係轉左師傅，佢繼續黑面就咁答無，我就同佢反映番個皮好厚，佢冇回應就走左去👎🏾👎🏾👎🏾👎🏾👎🏾後來我望入去又真係一個好老嘅師傅咁。唯一一樣野好味就係個菜乾粥，但係咁嘅食物水準同咁嘅服務態度...第一腸粉呢個名真係不敢恭維。一句講晒，唔會再幫襯。