影片
更多
2009-08-16
35 瀏覽
近日經常到科學園工作，一日三餐都要係入面解決，食左兩日外賣悶悶地，今日走落行下順便放放風，係金蛋旁邊睇噴泉的時候見到池邊有座位，最驚喜係可以食煙，而家可以吸煙的地方真係太小了........對於吸煙的人嚟講...........實在太好啦.........寫食評先講翻食物先，本來諗住坐一陣食支煙就走，點知聽到d正係度休息的員工講話佢地老闆為改善食物質素，將整個出品部的員工撤換，當時我心諗佢地老闆對食品要求應該會幾高吓，望下手錶下午六點幾，好！走入去睇下有咩食先.......一入去的感覺係............清新.........可能佢地個名的關係令我聯想到，店面的顏色配搭睇落去幾舒服，冷氣溫度適中，所有工作人員都配帶口罩手套，感覺到佢地對衛生的要求，見佢地忙於準備自助餐，巡一圈睇睇先....... 入面有5個counter分別係西式、日韓式、東南亞(以泰式為主)、中式以及水吧，太多o野想試點算呢?不如飲杯o野先反正仲係早，走過水吧企係收銀機面前發呆，都唔知自己想點，我同企係counter個靚女supervisor同講都唔知食咩好，跟住佢就笑晒口咁同我講試下佢地個自助餐，所有coun
寫食評先講翻食物先，本來諗住坐一陣食支煙就走，點知聽到d正係度休息的員工講話佢地老闆為改善食物質素，將整個出品部的員工撤換，當時我心諗佢地老闆對食品要求應該會幾高吓，望下手錶下午六點幾，好！走入去睇下有咩食先.......
一入去的感覺係............清新.........可能佢地個名的關係令我聯想到，店面的顏色配搭睇落去幾舒服，冷氣溫度適中，所有工作人員都配帶口罩手套，感覺到佢地對衛生的要求，見佢地忙於準備自助餐，巡一圈睇睇先.......
入面有5個counter分別係西式、日韓式、東南亞(以泰式為主)、中式以及水吧，太多o野想試點算呢?不如飲杯o野先反正仲係早，走過水吧企係收銀機面前發呆，都唔知自己想點，我同企係counter個靚女supervisor同講都唔知食咩好，跟住佢就笑晒口咁同我講試下佢地個自助餐，所有counter的o野食都可試度咁咪唔洗諗囉，靚女叫到無理由拒絕，就一位啦！佢話多謝百五蚊，跟住一邊幫我貼上標記一邊講解，原來飲品係任飲真係無得頂。
見未有得食攞罐啤酒出去pool side享受下先，坐低一陣見到個音樂噴水池開始表演啦，對於我呢d一支公又或者一家大細來食飯的人都算係一個不錯的娛樂，係時候入去攞o野食啦，第一個感覺係靚女無介紹錯，各式美食都齊全，雞牛豬魚蝦蚧樣樣齊，尤其有我最愛的.........串燒，先來半打馬來沙嗲食物溫度夠熱，沙嗲醬亦有水準，跟住再來半打焗生蠔，一個字........正，行去沙律吧睇下，不得了煙三文魚唔食尤自可一食停唔到口，試下個泰式無骨鳳爪酸辣適中，正想打電話比女人話有好o野食問佢唻唔唻，一個應該係經理的人攞住客戶意見書過來同我傾計，佢好nice笑晒咁叫我比d意見，OK ! 應承你！不過要試埋個廚師精選先，走去counter問佢今日咩精選，天啊............燒牛肉！我今日行運啦！係一餐入面食到我的幾大至愛，我即刻問佢可唔可以要三成熟，因為咁係最美味的，但係好多都會變五成，因為要燒得香而又要保持嫩滑係爐火的控制絕不簡單，可能其他客人唔會咁問的原故，著白衫的大廚即刻走過唻同我講佢地全部都係三成熟叫我放心，我從佢充滿信心的眼神已經知道呢件燒牛肉絕不簡單，正等緊師傅為我準備精選的時候，有客人過來表示佢唔食牛肉，我正為佢可惜之際，另一個高級員工即時為佢轉羊架為精選，可見佢地對客人體貼，我份燒牛肉出嚟啦，視覺上已感覺到係一件鮮嫩無比的燒牛肉，急不及待求奇搵個位坐低大快品嚐，你地想唔想知我第一感覺係咩，我直情有衝動想問大廚可唔可以比多件我，黑椒粒的份量恰到好處，加上牛肉的鮮味，跟本唔洗要任何汁醬。甜品方面有榚點同鮮果，我對甜品無咩要求，所以唔多講啦！望下錶成八點幾但係仍然不斷有食品供應，舊半水嚟講真係超值。
食飽左緊係攞罐啤酒出池邊放風啦！音樂噴泉表演不斷，如果要計埋個環境就真係超超值，坐左陣個經理又走過嚟，我即時醒起未寫好個意見書，內容係點你地都知啦，突然諗起下星期有個老死牛一，問個經理訂幾廿人自助餐有咩著數，佢話原來佢地有宴會服務，星期一仲可以email比我睇下啱唔啱食。
總括嚟講，食物服務我比95分，價錢簡直係超值！
差d唔記得話比大家知有免費泊車！
張貼