豊勝手丼 (已搬遷) 新店位置

今日去咗銅鑼灣食晏，同事請客，因為早排我幫佢做咗啲野，佢帶咗我去謝斐道橫街一間細細間的店，食日本丼，原來北海道釧路興食呢款自己揀魚生嘅飯，呢間店就係做咁樣的形式，佈置似足魚市場，木牌刻上所有刺身的名字，不過我哋就懶得自己組合，揀咗餐牌上已經配好嘅套餐。我食7號馥之丼，材料是吞拿魚蓉加黑松露火炙帶子，套餐包湯沙律同埋飯。估唔到真係好足料，有成六隻好大隻嘅帶子，煎到半生熟，兩面煎香中間保持生嫩，吞拿魚茸都唔少送飯夠晒餸。另外前菜好似係魷魚醃得好好味，沙律用中華汁，米飯用日本米，仲有一樣值得提，就係啲吞拿魚茸飯裏面有白飯魚。這個丼賣$238，真係好正。