1000 円放題鐵板燒肉店 (已結業)

上團購買$98一位以為好平。點知walk in 價一樣。好，團購上圖片好靚好多正野，寫都寫到好勁。點知去到環境打左個突，都算。奇待有佢所講既甚麼甚麼牛舌，黑豚。乜都無囉，問佢幾時有牛舌，無人答得到我地。d 台勁窄放唔到野食咁濟，個抽油煙機我懷疑係裝飾用。勁焗留多陣都想死。我同老公難得唔洗帶住個女，諗住二人世界食正野，完全令人失望，價錢唔成正比。衰過韓燒十倍。真係勁失望。自己以為團購餐廳真係要上openrice睇清楚先。我諗有好多人同我一樣對哩間野好失望。我知哩個價錢唔好expect 太多，但你都唔係比我食燒西蘭花，冬姑，豬片，雞串，仲要係無調味過。你而且係最低質果種。超失望。調味架每樣野都立痴痴。服務唔見得特別好。真係一分都比唔落。