Cafe Pho 1975 (已結業)

第一次食呢間越南嘢，諗住香茅豬扒呢類越式傳統item會好正路，點知都係中伏！佢係一間自己排隊買飛，拎個有number嘅牌仔，有食物就有員工拎比客，再收返牌仔咁嘅~其實香料、湯底、飲品方面都好正常，地方算坐得舒服，不過，食物真係好有問題囉！首先，個河粉都仲係一舊舊未淥到條條分明，再嚟就係油浸「香茅」豬扒，竟然一啲香茅味都無，仲要好多油浸住塊豬扒，我忍唔住要用紙巾幫佢吸油先食囉！仲要肥膏位佔好大部份，都唔知我係叫咗「油浸豬肥膏」定「香茅豬扒」，好耐都未試過食到質量咁差嘅嘢！真心嬲囉！