立鮨 (金馬倫廣場)

營業中

休息中

黎到尖沙咀想食壽司友人推介咗食立鮨，記得之前旺角食過唔差咁就試吓尖沙咀味道如何。因為朋友係紅碼唔可以入餐廳食飯唯有嗌外賣返屋企食😢我哋兩個人叫左每人一件手卷，一個三文魚餐盒、加大約10件壽司左右，total 大約$280。返到屋企一打開好後悔，因為原來完全唔夠兩個人食，佢每件壽司大約只係平時食開嘅2/3 size，仲要每件壽司個樣都係橙橙地色（應該係落咗醬汁之類）一夾起第一件，塊魚生薄過我夜晚敷塊mask，然後再望望下面啲飯粒粒都好似浸完鼓油咁嘅色😭最後成餐飯又唔飽而且件件壽司都係一樣味（因為下面個飯啲味太濃根本食唔到原本個鮮味）可能係我食唔慣咁濃味？定係第二個派別嘅壽司做法。