影片
更多
2020-11-18
654 瀏覽
【食物真係不敢恭維🤢大埔世外桃源完全齋食環境餐廳🌸】今次依間餐廳啲野食真係不敢恭維，但係個環境實在太靚，係小編會排佢頭三名環境最好嘅餐廳，希望餐廳睇到可以改善下😤依間餐廳位於大埔林村附近，環境比較偏僻，需要揸車入，亦都因為咁，餐廳唔會見到高樓大廈，遠離煩囂😍餐廳歐陸庭園嘅設計真係香港罕有，一入門口係有條好靚嘅橋，左右嘅池養咗金魚🤪户外位置chill到不得了，外圍有三四張好浪漫嘅枱係亭入面😻每張枱都有啲法式小擺設，仲會播住純音樂，好享受😈但睇到個menu就真係呆哂，啲價錢太過diverse啦，扒類起碼都三四百🤕但聽聞過依度廚房煮得唔好所以都唔想特別試🤢跟住其他主食就唔過二百蚊，有意粉，好多中式野同泰式咖哩，但從個名已經知超級頹🥴—《 #酥皮焗龍蝦湯》$98 ⭐見到依個有特色少少就叫咗，但係從酥皮個樣已經知佢勁流😨個酥皮淨係中間位有沾到牛油拎去焗，四邊仲係白雪雪😨仲要完全唔酥，麵包都仲多層過佢😨個湯都好失望，好太股腥味，飲兩淡已經放棄😩如果真係要搵位讚，就係入面係有龍蝦肉同埋個湯夠熱🤕繼續努力🤕—《 #忌廉焗薯》$88 ⭐⭐以為忌廉焗薯實無死，menu仲用法文名Gratin, 咁應該好食掛
今次依間餐廳啲野食真係不敢恭維，但係個環境實在太靚，係小編會排佢頭三名環境最好嘅餐廳，希望餐廳睇到可以改善下😤依間餐廳位於大埔林村附近，環境比較偏僻，需要揸車入，亦都因為咁，餐廳唔會見到高樓大廈，遠離煩囂😍
餐廳歐陸庭園嘅設計真係香港罕有，一入門口係有條好靚嘅橋，左右嘅池養咗金魚🤪户外位置chill到不得了，外圍有三四張好浪漫嘅枱係亭入面😻每張枱都有啲法式小擺設，仲會播住純音樂，好享受😈
但睇到個menu就真係呆哂，啲價錢太過diverse啦，扒類起碼都三四百🤕但聽聞過依度廚房煮得唔好所以都唔想特別試🤢跟住其他主食就唔過二百蚊，有意粉，好多中式野同泰式咖哩，但從個名已經知超級頹🥴
—
《 #酥皮焗龍蝦湯》$98 ⭐
見到依個有特色少少就叫咗，但係從酥皮個樣已經知佢勁流😨個酥皮淨係中間位有沾到牛油拎去焗，四邊仲係白雪雪😨仲要完全唔酥，麵包都仲多層過佢😨
個湯都好失望，好太股腥味，飲兩淡已經放棄😩如果真係要搵位讚，就係入面係有龍蝦肉同埋個湯夠熱🤕繼續努力🤕
—
《 #忌廉焗薯》$88 ⭐⭐
以為忌廉焗薯實無死，menu仲用法文名Gratin, 咁應該好食掛🥱結果出黎只係好普通好普通嘅薯蓉，唔係難食，但味道欠奉，唔講仲以為走咗忌廉😵面頭放咗超姑寒嘅煙肉粒(真係好粒嘅粒)🤢完全唔建議大家嗌🤢
—
《 #咖哩石斑》$128 ⭐⭐⭐
大概全晚唯一一樣無失望嘅野就係依碟咖哩石斑，符合預期嘅咖哩味，但就毫無過人之處😯石斑係唔錯嘅，大概有四至五塊，肉質煮得還可以😲如果真係想穩陣有野放到落肚就可以試下佢👹
—
《 #鵝肝醬焗豬扒飯》$168 ⭐⭐
依個豬扒飯真係仲差過茶記，擺盤核突不在話下，個鵝肝醬真係唔落好過落🤢朋友話似豬潤味，小編覺得個樣似狗糧，完全都唔係鵝肝味🤯豬扒尚算軟鯰，個炒飯底可以讚一讚，煮得粒粒分明嘅😩
—
依間餐廳嘅環境真係完全無得彈，服務都好好😖真係好希望會改善一下個廚房，比少少水準出嚟，重新定位過個餐廳，唔好浪費咗咁嘅環境😭
餐廳都有供應咖啡茶，大家都可以考慮白天時間嚟依度享受一下環境🤩又唔洗比咁多錢去食佢啲嘢🥵
張貼
