嘆嘆 (裝修中)

先講環境，餐廳播音樂勁大聲，播嚟播去都係嗰幾首，一餐飯時間淨係jisoo首flower已經播左三四次。食物嗌咗招牌牛肉麵，滷水雞翼肉燥飯，同埋牛乳黑糖芋圓特盛。牛肉麵嘅麵幾特別而且入味，牛肉同牛筋都好食。肉燥飯就一般，滷水雞翼有啲太腍。甜品真係好麻麻，啲冰未打碎有啲仲黐埋一大嚿，要係咁用匙羹打碎佢嚟食，而且好多都冇味。雪糕珍珠芋圓都好一般，牛奶布甸都OK，但係個麻糬就真係麻麻。如果唔係為咗湊夠$200用OpenRice個優惠券都唔會嗌呢個甜品。食物真係偏貴唔抵食，呢個價錢可以食到更好食嘅台式餐廳。