加藤屋 (元州街) (已結業)

由於好耐冇食過丼飯,一直都搵緊吉野家取代品, 所以今日經過一間叫加藤屋既牛肉飯專門店呢就即刻諗都唔諗入咗去, 其實呢間鋪我都久仰咗大名好耐,今次終於有機會試！一望個餐牌發現佢既食物都幾多元化,除咗平時會見到既牛肉飯,仲會有豚肉,湯飯,咖哩比你簡,最重要係呢到有得食辣～ 今次我就試咗佢地既麻辣豚肉飯小辣！個餐一嚟到就見到好多豚肉鋪滿哂個飯,好吸引！ 食落豚肉味都夠, 加上仲有啲豚肉汁, 令個飯唔會太寡,不過我就略嫌個飯既辣度唔係好夠,可能下次食會嗌中辣或者大辣試下！