狎鷗亭居酒屋

營業中

休息中

諾士佛臺有好多酒吧，但如果想食好啲+飲酒，就要試下我嘅私藏清單，完勝韓國街餐廳 ！ 🤍 紅燒牛排牛肋骨燜咗好耐，輕輕一咬即骨肉分離，肉質鮮嫩，入味到不得了！配料用咗白蘿蔔同紅蘿蔔，送飯一流，必叫！🤍 炒海鮮鍋巴估唔到咁豪華，海鮮勁足料，裡面有鮑魚🦪、蟹🦀、大頭蝦🦐、八爪魚🐙同蜆，真係好豐富！鮑魚軟腍，鍋巴吸收晒啲醬汁，咬落去有煙靭嘅感覺，口感超正。🤍 辣牛雜湯出到嚟要叫一個喺屋企整唔到嘅，要知道清洗內臟係唔簡單嘅事。本身擔心會有內臟嘅臭味，但食落去完全沒有。微辣嘅口感同濃郁嘅牛味令人回味，飲完仲會成個人暖笠笠架！🤍 Starlight Chungha Sparkling只有7%嘅酒精，飲落好似飲緊甜甜嘅有氣白提子汁，啱晒啲唔識飲酒，但又想淺嘗嘅人。