蔥仔越南包

營業中

休息中

呢一間小店主打越南法包，法包可以揀全份或者半份，但無論份量幾大都好，配料都相當充足，令成個包都好有層次感。（咀仔細啲都食唔到）餐廳由兩公婆主理，先落單，然後佢會派一個號碼牌俾你等候取包。餐廳更加有茶水自助，當日飲嘅有少少香茅檸檬味道，好fresh ~講返個包，有蘿蔔絲、青瓜絲、扎肉、鵝肝醬等，加埋即刻烘烤的法包皮，咬落去相當實的的之餘，外皮仲好鬆脆添！呢間小店位置有少少偏僻，附近冇乜食肆，需要大家專登行過去懲罰下佢！但絕對值得花上腳骨力啊！