影片
更多
2023-03-10
673 瀏覽
情人節周圍餐廳都Full booking，難得見到Amber仲有位，即刻book黎一嚐Fine Dining。大鄉里出城前一直好緊張驚失禮，但其實職員們都好友善。入座時職員會送上熱毛巾俾你抹手，而因為係情人節，仲特意送上兩杯香檳。送menu嘅時候職員會仔細介紹每道菜嘅材料、烹調方法、口味等等，直接背曬成個menu。情人節限定menu可以每人揀4個course，course以外當然仲有其他嘢食啦！先登場嘅係呢個菇菇tart，底層係好脆好香嘅薄腐皮，一入口先係好香嘅菇菌味，後尾就有微微酸味，成個感覺好特別，食完之後仲有個黑松露黃豆凍，味道都好濃郁。中間相隔一道自己揀嘅前菜，可惜兩個都食完先醒起唔記得影相，然後就係酸種麵包配amber特製橄欖油。個人感覺油入口先帶一陣松露香，再黎係清新嘅感覺。職員介紹後調會有輕微辣味，不過我地都唔係好覺🤔。包係外脆內軟嘅口感，食到有啲狼狽。（ps：食完店員貼心問需唔需要refill麵包）去之前做過功課話aka uni係必食之選，可惜今次menu無，但係一見到uni都即刻嗌咗。呢道菜係海膽配鵝肝，本來諗住兩道濃味嘅菜再加上一冷一熱會好衝突，點知入口係超級好食！
入座時職員會送上熱毛巾俾你抹手，而因為係情人節，仲特意送上兩杯香檳。
送menu嘅時候職員會仔細介紹每道菜嘅材料、烹調方法、口味等等，直接背曬成個menu。情人節限定menu可以每人揀4個course，course以外當然仲有其他嘢食啦！
先登場嘅係呢個菇菇tart，底層係好脆好香嘅薄腐皮，一入口先係好香嘅菇菌味，後尾就有微微酸味，成個感覺好特別，食完之後仲有個黑松露黃豆凍，味道都好濃郁。
中間相隔一道自己揀嘅前菜，可惜兩個都食完先醒起唔記得影相，然後就係酸種麵包配amber特製橄欖油。個人感覺油入口先帶一陣松露香，再黎係清新嘅感覺。職員介紹後調會有輕微辣味，不過我地都唔係好覺🤔。包係外脆內軟嘅口感，食到有啲狼狽。（ps：食完店員貼心問需唔需要refill麵包）
去之前做過功課話aka uni係必食之選，可惜今次menu無，但係一見到uni都即刻嗌咗。呢道菜係海膽配鵝肝，本來諗住兩道濃味嘅菜再加上一冷一熱會好衝突，點知入口係超級好食！一入口先係鵝肝嘅香味同口感跑出🤣，再黎就有海膽嘅香味慢慢滲出黎，鮮甜香濃齊曬。
海膽咁出色，另一半揀嘅蜜柑龍蝦配南瓜蓉相對顯得遜色少少🤏，但其實都好食！蝦肉爽口而蜜柑甜，配埋醬汁食好夾。
到自己揀嘅主菜日本A4和牛，按照職員推薦熟度嗌。入口香濃，油脂豐富，不過個人而言唔算特別驚喜。反而比較驚喜嘅係作為擺盤嘅秋葉，外形整得好精緻，食落係脆身而帶有濃郁柚子香氣！配埋下面嘅甜薯口感好豐富。其實食到呢度已經飽飽地。
另一半主菜揀咗魚子醬配魚肉，呢道菜反而好驚喜！溫熱嘅魚肉入口好香，再加埋柚子醋吊味，仲有魚子醬提鮮，真係幾好食！
甜品部份先係自己揀嘅熱紅酒士多啤梨配紅莓雪葩，一開始唔想破壞佢外形而分開慢慢食，食到後期先撈埋啲cream一齊食，果然如職員所言，啲cream中和咗個酸味之後酸甜適中好好食！配埋雪葩一冷一熱嘅甜品好滿足，好酸味嘅朋友必試！（而且要記得撈勻食！）
另一半揀嘅係柚子雪葩，入口係香濃柚子味，成個配搭都好清新。
之後就係coffee or tea嘅環節，係重重篩選下揀咗breakfast tea，可惜夜晚驚失眠，如果唔係真係好想試咖啡。
餐飲過後職員好調皮咁話仲有甜品送返俾我地，首先係黃豆味瑪德蓮蛋糕，職員果然無呃我地🤣，焗好嘅蛋糕入口超級鬆化，唔會太甜得黎黃豆味好香。啱曬食甜品唔好甜嘅矛盾人士🤣
跟住係85%特濃朱古力慕絲同水果拼盤，慕絲底係蛋糕體，入口先係好重嘅朱古力香，帶苦，最後有微微回甘！
水果就全部來自台灣，職員推薦嘅順序係先食清爽嘅芭樂，再食酸嘅熱情果，最後食甜嘅番鬼荔枝（釋迦）。
最後畫龍點睛嘅係主廚為咗情人節特意提早釀造嘅柚子酒，入口順滑而帶有柚子甜味，啱曬唔太飲得酒嘅人，作為全餐收結好完美。
整體而言，一開始入去嘅時候係直接將拘謹兩個字鑿係塊面🤣，但職員都好友善，食到最後放鬆咗好多。
環境方面四周圍都算闊落，餐桌間有一定距離，唔會太逼，所以好舒服。可以一戰，但再戰嘅話就要回一回血先⋯
張貼
