里木

營業中

休息中

週年紀念梗係要同老公一齊食我哋最愛嘅日料啦🥰 特登喺呢間出名嘅日料店book咗位，嚟享受新鮮食材喺舌頭跳動嘅滋味～一開始先上先付，牡蠣個頭好大，整體非常新鮮！仲可以食到淡淡嘅海水味😋 魚子醬更加唔使講，慢慢咬落去能夠feel到魚卵喺嘴裡爆開！簡直就係奢華嘅享受✨跟住就係刺身啦，白象拔蚌同粒貝配沖繩水雲係一齊上嘅。白象拔蚌口感鮮嫩彈牙，鮮味十足！粒貝好脆身，上面仲撒上啲柚子皮成個味道好清香！最鍾意就係原隻海膽仲帶住殼！入口即化講嘅就係呢種感覺🥹 完全冇腥味反而仲帶點鮮甜！牡丹蝦配海膽亦好鮮甜，好好食🤤跟住就係由師傅發辦季節魚壽司，師傅手法處理恰當，一點魚腥味都冇，肉質仲好軟嫩🥹仲有和牛海膽熱狗！鮮嫩嘅和牛輕輕喺表面燒一燒，上面仲鋪滿咗滿滿嘅海膽捲埋嚟食，好食到升天‼️‼️最後就係用甜蜜嘅蜜瓜收尾啦~ 清甜解膩，超滿足‼️🥰