串王之王 - 正宗成都串串火鍋 (已結業)

今晚見天氣凍凍地就去左一間叫串王之王打邊爐。一入到去，就已經被其裝潢吸引住。牆上裝飾十分特別，用水管當書架，書架上除了書，還有一些小擺設。書架旁有幾幅圖畫，裝修很有藝術氣息。店內還播放了一些音樂，都是耳熟能詳的廣東歌，好聽。呢度食物種類十分多！大部分食物都係好少見嘅，例如：鵝腸、粉耗子、豬腦花、墨魚腸、菠菜丸等。感覺新穎！除此之外，重有麵。單單係麵嘅選擇已經有好多款！有紫薯寬粉、紅薯幼粉、蕨根粉絲、公仔麵、伊麵等。最特別嘅係一款叫粉耗子嘅「麵」。真係聽都未聽過，好好奇係咩味。原來粉耗子無味，口感似年糕，但較彈牙。紫薯寬粉嘅闊度有一隻拇指闊。煙韌有咬口。除左d少見嘅食物，食物的搭配也十分別出心裁。牛肉蜜桃就是用牛肉包着蜜桃。辣味融入左蜜桃變了香味，味道出奇地好味！欣賞他們的創意。同朋友打下打下邊爐就已經過咗兩小時，快樂嘅時間真係過得特別快，呢度營業時間去到凌晨兩點，下次收工再食過！