影片
更多
2019-03-08
35 瀏覽
男友生日指定想食omakase，朋友極力推薦呢間比我，所以就book左呢間同男友慶祝生日今日係平日而且我地去得早，所以餐廳暫時只得我地一台客人餐廳裝修是典型的日式風格，餐廳不大，除左一間包廂之外，其他客人都係坐左師傅面前，邊食邊欣賞師傅的表演呢度有三款唔同價錢既omakase選擇，分別係$1080/$1280/$1680一位，今日我地就食$1280位的彩食之前師傅很貼心詢問我地有咩唔食，值得加分前菜北海道生蠔肥美鮮甜，肉質比較creamy好啱我口味。右邊果個係安康魚肝配上威化盒，安康魚肝口感綿密豐富，食落同鵝肝非常相似但沒有鵝肝的鴨騷味，感覺更加銷魂刺身左口魚肉質爽脆，另外還有燒左口魚邊，入口即融好好食赤貝鮮甜爽口，深海池魚肉質肥美。平常我係唔鍾意食池魚既，但係呢碟深海池魚我真係覺得好好食！入口清甜，咬多兩口發現魚油在口中爆發，而且一點也不腥，好好食！hot dish微微燒過的金目鯛內包左幼嫩的蔥，好夾好好食呢碟整毛蟹賣相非常華麗，好似首飾盒咁！上面黃色的啫喱酸酸甜甜，更突出蟹肉既鮮味燒吞拿魚面頰肉我地第一次食，外形真係好似牛肉，好得意。這部分的魚肉口感煙韌，但都有少許脂肪，唔錯！呢個
今日係平日而且我地去得早，所以餐廳暫時只得我地一台客人餐廳裝修是典型的日式風格，餐廳不大，除左一間包廂之外，其他客人都係坐左師傅面前，邊食邊欣賞師傅的表演
呢度有三款唔同價錢既omakase選擇，分別係$1080/$1280/$1680一位，今日我地就食$1280位的彩食之前師傅很貼心詢問我地有咩唔食，值得加分
前菜
北海道生蠔肥美鮮甜，肉質比較creamy好啱我口味。右邊果個係安康魚肝配上威化盒，安康魚肝口感綿密豐富，食落同鵝肝非常相似但沒有鵝肝的鴨騷味，感覺更加銷魂
刺身
左口魚肉質爽脆，另外還有燒左口魚邊，入口即融好好食
赤貝鮮甜爽口，深海池魚肉質肥美。平常我係唔鍾意食池魚既，但係呢碟深海池魚我真係覺得好好食！入口清甜，咬多兩口發現魚油在口中爆發，而且一點也不腥，好好食！
hot dish
微微燒過的金目鯛內包左幼嫩的蔥，好夾好好食
呢碟整毛蟹賣相非常華麗，好似首飾盒咁！上面黃色的啫喱酸酸甜甜，更突出蟹肉既鮮味
燒吞拿魚面頰肉我地第一次食，外形真係好似牛肉，好得意。這部分的魚肉口感煙韌，但都有少許脂肪，唔錯！
呢個就係令男友過左幾日都念念不忘既燒toro，入口即融，而且魚油非常多，多到流到成手都係，非常滿足
壽司
北海道帶子和針魚
想像唔到中toro都可以咁好食又係入口即融非常鮮甜！ 牡丹蝦壽司非常出色，上面加左燒蝦膏，更加鮮甜
海膽非常creamy鮮甜
三文魚籽都令我驚訝，平常我好怕三文魚籽，覺得很腥，但呢度竟然完全唔腥又好甜真係打開新世界
呢個又係我平時唔鍾意食既吞拿魚蓉，但師傅都整到好好食，好神奇啊
食完壽司之後飲左碗濃郁既熱湯，再食埋甜品呢個omakase就完結了好滿足好開心
我同男友唔係第一次食omakase，呢間omakase真係驚豔到我地每一道菜的餘韻都可以在口腔停留好耐，而且好食到令我唔想咁快食下一道菜，只想好好繼續品嚐留在口腔中的味道我覺得最犀利唔係平時喜愛的壽司/刺身整得好出色，反而最驚喜係我平時唔鍾意食既呢度竟然都整到好好食真係完美的生日飯
張貼
