影片
更多
2018-06-19
223 瀏覽
從來紀念日或者雙方生日都係由我選擇餐廳再訂枱，老公都好少參與。今次老公經同事介紹下選擇係中環食鐵板燒，仲要指定用choco師傅，菜式都一早預定好，完全唔洗我操心，果然大大進步一到步我地就被帶入房間，先上枱係幾塊唔起眼，好似鱈魚塊既餐前小食，鬆脆口感食落又幾好味前菜係沖繩苦瓜天婦羅入口甘香完全唔會覺得苦，水茄子配梅醬係我首次生食茄子，口感清爽、梅味清香，仲有數之子漬物，平時食數之子都係冇味道只有硬脆口感，醃過後色澤亮麗、鮮味提升！三色刺身包括吞拿魚、赤貝及深海池魚，特別欣賞赤貝底部放一片綠色橘子去腥之餘食落仲增添果香表面金黃香脆，入口鵝油香味四溢既鵝肝真係要大師傅先可以煎到呢個效果龍蝦半隻見師傅即場起肉功架十足，伴上我最愛既海膽汁令人回味無窮香草牛油炒象拔蚌份量足又唔會炒得過老，加埋漲卜卜魚子吊味，唔點香草醬食都已經好滿足見到有兩個煲仔以為係上湯，見師傅用溫度計量度溫度，先知道原來係蒸炸甘鯛，炸到魚鱗都好似薯片咁脆但魚肉仲保持到蒸煮既效果，真係好神奇食完甘鯛有沖繩海葡萄沙律清清口腔認真體貼最後出場既主角就係近江和牛，中途侍應熄燈、師傅灑上白蘭地再點火，最美妙既一幕就出現了，近江和牛肉味比
一到步我地就被帶入房間，先上枱係幾塊唔起眼，好似鱈魚塊既餐前小食，鬆脆口感食落又幾好味
前菜係沖繩苦瓜天婦羅入口甘香完全唔會覺得苦，水茄子配梅醬係我首次生食茄子，口感清爽、梅味清香，仲有數之子漬物，平時食數之子都係冇味道只有硬脆口感，醃過後色澤亮麗、鮮味提升！
三色刺身包括吞拿魚、赤貝及深海池魚，特別欣賞赤貝底部放一片綠色橘子去腥之餘食落仲增添果香
表面金黃香脆，入口鵝油香味四溢既鵝肝真係要大師傅先可以煎到呢個效果
龍蝦半隻見師傅即場起肉功架十足，伴上我最愛既海膽汁令人回味無窮
香草牛油炒象拔蚌份量足又唔會炒得過老，加埋漲卜卜魚子吊味，唔點香草醬食都已經好滿足
見到有兩個煲仔以為係上湯，見師傅用溫度計量度溫度，先知道原來係蒸炸甘鯛，炸到魚鱗都好似薯片咁脆但魚肉仲保持到蒸煮既效果，真係好神奇
食完甘鯛有沖繩海葡萄沙律清清口腔認真體貼
最後出場既主角就係近江和牛，中途侍應熄燈、師傅灑上白蘭地再點火，最美妙既一幕就出現了，近江和牛肉味比神戶濃郁，燒完再加上陣陣酒香，夾一塊脆口既青森蒜片放入口，再諗返起都真係值回票價
食完和牛都已經好飽，將頭先既龍蝦殼煮出一碗麵豉湯，仲要嚟一碗櫻花蝦炒飯，炒出嚟粒粒分明，再加上蔥花點綴，就算好飽都要食多半碗先將餘下交俾老公食埋佢
飯後當然唔少得甜品，靜岡蜜瓜既鮮甜相信都無須介紹，仲要加上兩片焦糖牛油多士，牛油香而且唔會太甜
真係要再讚一次choco師傅除咗功力深厚，連每一隻碗碟都精心挑選，難怪老公同事要介紹埋師傅俾佢，令我地有一餐滿足既紀念晚餐
張貼
