1樓冰室 (眾安街) (已結業)

見到呢間餐廳乾乾淨淨夠光猛，同望落個餐牌都唔錯，諗住都唔會伏得去邊！點知都係果句，凡事都係唔可以睇外表！見個餐牌佢個雞飯幾咁吸引，心諗實唔會伏，點知就係一個大伏，價錢$59，相較附近既餐廳較高，凍飲仲要加$9，即係$68！如果好食既都唔緊要！一擺到上枱就見到d色都心知不妙，再望真d，d雞肉煮到又老又乾，overcook到一個點，最神奇既地方出現啦，個蔥油煮到d蔥都腍哂變哂色，但成碟野係凍既！真係R哂頭！最後格硬食左一啖，味道唔使講，唔好食！食左個飯，填飽個肚飲左杯野就算，都懶得同佢換！ 見到隔離枱食其他野都係麻麻！ 不可一不可再！