影片
更多
2023-05-06
291 瀏覽
hiroshi前排由the one搬咗去美麗華，主打日本輕食同甜品，當中最出名嘅就係卷蛋。如果想試多啲卷蛋口味，記得要早啲去。𖦹 明太子雞翼 $68雞翼香脆，一咬開爆曬啲明太子出嚟。𖦹 炸豬扒蛋包飯 $128豬扒外脆內鬆軟，炸粉唔過厚。滑蛋呈金黃色，幾嫩滑，撈埋茄汁雞肉飯，極為香口。𖦹 迷你三彩丼 配麵豉湯 $168三彩分別係鰻魚飯、吞拿魚蓉飯以及熱海藻烏冬，饅魚細細嚿但幾厚肉，吞拿魚蓉份量超多，烏冬非常滑溜， 一次食到三樣嘢令人滿足。𖦹 宏 日式卷蛋：大 ＄35 小 ＄18﹆芝麻﹆甜酒 baileys tiramisu﹆焙茶﹆抹茶﹆香草﹆櫻花麻糬此餐最期待必定係日日新鮮製作嘅卷蛋。香草卷蛋蛋糕體軟綿濕潤，蛋香突出，忌廉幼滑；黑芝麻味極為濃郁，抹茶茶味濃而不澀，焙茶茶味醇香，甜酒味酒香四溢之餘仲食到脆脆，層次豐富。最失色嘅反而係期間限定嘅櫻花麻糬，得個樣靚但只有甜味，無緣食到究竟櫻花是什麼味。𖦹 京都宇治抹茶軟雪糕芭菲 ＄88 主角宇治抹茶軟雪糕茶採用京都宇治茶，茶味濃郁，有少少回甘；配料極豐富，有紅豆、蕨餅、白玉、杏仁片（定係粟米片？😂）、曲奇，集香脆、煙韌、軟滑各種口感於一身。𖦹
𖦹 明太子雞翼 $68
雞翼香脆，一咬開爆曬啲明太子出嚟。
𖦹 炸豬扒蛋包飯 $128
豬扒外脆內鬆軟，炸粉唔過厚。滑蛋呈金黃色，幾嫩滑，撈埋茄汁雞肉飯，極為香口。
𖦹 迷你三彩丼 配麵豉湯 $168
三彩分別係鰻魚飯、吞拿魚蓉飯以及熱海藻烏冬，饅魚細細嚿但幾厚肉，吞拿魚蓉份量超多，烏冬非常滑溜， 一次食到三樣嘢令人滿足。
𖦹 宏 日式卷蛋：大 ＄35 小 ＄18
﹆芝麻
﹆甜酒 baileys tiramisu
﹆焙茶
﹆抹茶
﹆香草
﹆櫻花麻糬
此餐最期待必定係日日新鮮製作嘅卷蛋。香草卷蛋蛋糕體軟綿濕潤，蛋香突出，忌廉幼滑；黑芝麻味極為濃郁，抹茶茶味濃而不澀，焙茶茶味醇香，甜酒味酒香四溢之餘仲食到脆脆，層次豐富。最失色嘅反而係期間限定嘅櫻花麻糬，得個樣靚但只有甜味，無緣食到究竟櫻花是什麼味。
𖦹 京都宇治抹茶軟雪糕芭菲 ＄88
主角宇治抹茶軟雪糕茶採用京都宇治茶，茶味濃郁，有少少回甘；配料極豐富，有紅豆、蕨餅、白玉、杏仁片（定係粟米片？😂）、曲奇，集香脆、煙韌、軟滑各種口感於一身。
𖦹 雜果窩夫配日本香草雪糕 $78
窩夫偏脆身，邊位略硬，香草雪糕好正，係有雲呢拿籽的。
𖦹 玉露 $20
用上嚟自日本靜岡嘅椿華堂玉露，清新甘甜，入口帶回甘。
𖦹 日本青森蘋果汁 ＄28
清甜解膩。
張貼
