影片
更多
2023-08-21
86 瀏覽
位於觀塘成業大廈2樓嘅Bubble Tree，一上到去就已經見到幾pair人係度等緊，好彩有booking先可以秒入，咁睇嚟佢哋都係官塘區有啲人氣喎！用掃QR code落單， Menu清楚易明，可以根據自己喜好加減套餐食物銀碼一目了然，confirm order後去counter俾錢就正式落單。舖頭雖小但相信佢哋有考慮到顧客感受無將坐位排到背貼背，要讚👍🏻👍🏻Soup：「南瓜湯」「紫薯湯」南瓜湯無特別去加cream及其他配料，但係煮到好濃，真正的純南瓜湯。要推下紫薯湯，成日見紫薯多數用嚟燒烤焗整甜品麵包嗰啲，估唔到湯都可以煲到又清甜好飲。Appetiser：「墨汁🦑包多士」「田園素菜沙律配牛油果🥑」多士加埋蒜茸醬香脆可口。沙律菜簡單健康，牛肉果熟度啱啱好。Main Dish：「飛驒牛🐂漢堡滑蛋蓋鐵板拌飯」👍🏻😍👨🏼🍳一見到飛驒牛已經唔使諗，即刻拍板要食佢，回味吓年頭去旅行嘅味道。漢堡juicy同滑蛋夠大塊，配埋車打芝士係面熱辣辣咁食超好味😋！「雜肉配巴馬風乾火腿伴香辣蕃茄汁意粉」17個字好長🤣🤣，我鐘意佢意粉煮得夠透心，辣辣哋好叼味好開胃，雜肉有鴨胸、肉腸、雞肉等等用料都唔少👍🏻，好
用掃QR code落單， Menu清楚易明，可以根據自己喜好加減套餐食物銀碼一目了然，confirm order後去counter俾錢就正式落單。舖頭雖小但相信佢哋有考慮到顧客感受無將坐位排到背貼背，要讚👍🏻👍🏻
Soup：
「南瓜湯」「紫薯湯」
南瓜湯無特別去加cream及其他配料，但係煮到好濃，真正的純南瓜湯。
要推下紫薯湯，成日見紫薯多數用嚟燒烤焗整甜品麵包嗰啲，估唔到湯都可以煲到又清甜好飲。
Appetiser：
「墨汁🦑包多士」「田園素菜沙律配牛油果🥑」
多士加埋蒜茸醬香脆可口。
沙律菜簡單健康，牛肉果熟度啱啱好。
Main Dish：
「飛驒牛🐂漢堡滑蛋蓋鐵板拌飯」👍🏻😍👨🏼🍳
一見到飛驒牛已經唔使諗，即刻拍板要食佢，回味吓年頭去旅行嘅味道。漢堡juicy同滑蛋夠大塊，配埋車打芝士係面熱辣辣咁食超好味😋！
「雜肉配巴馬風乾火腿伴香辣蕃茄汁意粉」
17個字好長🤣🤣，我鐘意佢意粉煮得夠透心，辣辣哋好叼味好開胃，雜肉有鴨胸、肉腸、雞肉等等用料都唔少👍🏻，好食！
Beverage
「蘋果茶」「荔枝梳打」
清清地嘅蘋果茶🍎，加少少果肉，簡單又消滯。
荔枝梳打大大杯，冰涼🧊又夠氣，仲有荔枝食。
Dessert
「朱古力🍫心太軟配雪糕」
飯後甜品🍰流心嘅朱古力味超濃，配埋朱古力外層再加朱古力雪糕！甜到入心❤️朱古力🍫愛好者必食！
飛驒牛漢堡滑蛋蓋鐵板拌飯
11 瀏覽
0 讚好
0 留言
雜肉配巴馬風乾火腿伴香辣蕃茄汁意粉
13 瀏覽
0 讚好
0 留言
蘋果茶
9 瀏覽
0 讚好
0 留言
荔枝梳打
8 瀏覽
0 讚好
0 留言
朱古力心太軟配雪糕
7 瀏覽
0 讚好
0 留言
墨魚汁多士
4 瀏覽
0 讚好
0 留言
田園素菜沙律配牛油果
4 瀏覽
0 讚好
0 留言
張貼
