魔膳廚房 (已結業)

官塘好味西餐推介～!前2日約左舊同事喺官塘食飯，佢話有好介紹。原來就係魔膳廚房，呢間我之前都有食過，記得佢個lunch buffet好抵食，性價比甚高！餐廳就喺觀塘地鐵站附近，行兩步就到。要經過一條長樓梯上去，d裝修感覺好有Harry Potter feel ~!Set Dinner 大概百零蚊一個，都有幾多選擇。我哋最後選咗煎三文魚扒配蔾麥沙律，同自家製海膽汁海鮮意粉share黎食。跟餐加$38仲有自助沙律吧，甜品,沙律,水果都係任拎，絕對加得過～!餐湯我哋分別叫咗一紅一白，紅湯係意大利雜菜湯，嗰白湯係勁香嘅黑松露野菌湯！依個就係誠意推介！香煎三文魚柳配蔾麥沙律 - 個三文魚柳勁大舊，前得好香，下邊個sauce落咗新鮮嘅芒果，酸酸甜甜，好開胃。配埋蔾麥沙律，夠晒健康。自家製海膽汁海鮮意粉 - 依個意粉朋友之前點過，佢話呢個係呢間餐廳嘅必點之一！個海膽汁好creamy, 亦好濃郁，應該係用海膽溝埋忌廉同芝士，所以味道好rich。醬汁配埋大蝦，青口同魷魚，簡直係perfect match!食埋甜品後，點買杯熱嘅茉莉花茶同冰凍嘅cappuccino 作為呢餐嘅總結，非常滿足～!