Fish & Chick Plus (已結業)

APM人多，所以睇戲前先去附近亞太中心開餐。扶手電梯一直上就可以見到。裝修簡單，店鋪地方唔大。時間尚早，唔使等位。粟米湯。不是由罐頭粟米湯煮成，粟米味濃郁，加上忌廉，口感更加creamy 。傳統英式炸魚配薯條。炸魚種類可以改，加錢轉英國銀雪魚。外皮香口卜卜脆，炸魚有兩三隻手指厚，炸成金黃色。肉質唔鬆散，比較結實，但鮮嫩唔嚡。無雪味，更重要係唔腥，配上tartar source或粗鹽，啖啖肉，好享受。薯條粗切，更加有薯仔味。整體比起去英國當地食到的並不失色！