魔膳廚房 (已結業)

今日約左朋友喺觀塘食晚餐，觀塘一向有好多餐廳選擇，我地上openrice見到魔膳廚房有咁多正評所以就食！見好多人都推薦帶子黑松露意大利飯同埋墨西哥香辣豬肋骨，我地都跟住叫。一開始先有兩碗餐湯，餐湯揀左周打海鮮湯，同平時周打蜆湯比仲多左好多海鮮，好正。帶子黑松露意大利飯用料豐富，有兩帶隻帶子同埋勁多蟹籽！意大利飯唔會住得太淋太熟，唔錯。墨西哥香辣豬肋骨配埋芝士焗瘋薯，仲有幾件燒菠蘿。豬肋骨一上檯有啲嚇親，原來咁大份！絕對抵食！最後餐飲加左兩杯梳打，一杯藍柑檸檬梳打，一杯荔枝玫瑰梳打。兩杯特飲勁靚！係漸變既顏色，而且仲有果肉同埋片鮮薄荷葉喺面，好新鮮！今餐真係大滿足！