甜姨姨私房甜品 (清風街)

營業中

休息中

尋晚我同兩位朋友喺銅鑼灣食完飯之後，我地就諗住行去天后食糖水，順便消化下。天后有好幾間糖水舖，不過我地最尾揀左呢間，雖然佢比較貴，但係見係朋友請，我地二話不說就入左去。 其實糖水嘅價錢黎講都比較貴，最後我地叫左四樣野，埋單$172。 我地叫左一個豆腐花，呢個豆腐花真係好好食同好滑。呢個好似係佢地招牌野，見到周圍都有人嗌。 佢上枱個陣會有埋個計時器，要夠鐘先開蓋食得。我朋友叫左個熱嘅椰汁黑糯米。我叫左個尋·榴敢，有好重嘅榴槤，鐘意食榴槤嘅應該會鍾意，其實就係榴槤豆腐花加黑珍珠、涼粉、椰果等等。