茶咖宅 (已結業)

上環真係美食天堂。選擇太多，有時都會有選擇困難症不過上到去太平山道附近，想搵非Cafe嘅餐廳又唔係咁易，見到呢間招牌同格局都係屬於咖啡室，但餐牌又係茶餐廳咁，就好奇一試。先講環境，其實真係唔錯。因為樓底高空間大，中午時間人又唔多，食得好舒服。其實佢有啲感覺似係馬來西亞嗰啲冰室，有一刻覺得如果佢賣粉面、咖坱多應該會更啱feel之後見到有傳統常餐，就叫嚟試試睇吓有咩唔同⋯答案係⋯完全冇唔同嘅！真係一間普通茶餐廳嘅味道，叉燒亦都不過不失。要真係形容就係普通至極，冇必要老遠跑來。杯奶茶亦都係冇乜特別，其實佢點解會掛一個Cafe嘅招牌？不如叫返一間乜乜茶餐廳，個落差感先唔會咁大。