影片
更多
2021-04-10
61 瀏覽
📍 ℂ𝕣𝕒𝕧𝕚𝕟𝕘𝕤 𝕗𝕠𝕣 𝕋𝕒𝕚𝕨𝕒𝕟𝕖𝕤𝕖 𝕔𝕠𝕞𝕗𝕠𝕣𝕥 𝕗𝕠𝕠𝕕 🍲 101台式休閒餐廳可以話係定期會去嘅台式飯堂，因為食物種類多、份量又夠，而且價錢相宜。如果大家唔想去到先等位，記得用The Gulu APP拎定飛先。今日同foodie友人一去到已經獲分發卡位，坐得十分舒適😌 食物方面，我地點咗最受歡迎嘅「一人套餐」同「一人台灣涮涮鍋商務套餐」：🍜「一人套餐」包含主食、小食、飲品，咩都有齊就岩哂有選擇困難嘅你啦！主食揀咗台灣古早牛肉麵($83)，有三大舊已經煮得好嫩嘅牛肉同兩舊蘿蔔，而且麵嘅份量十分多。小食揀咗鹽酥雞，雖然話係套餐附送嘅小食，但都有起碼六舊。飲品超過三十款選擇，當中有一半都唔需要另外加錢添！不過為咗慰勞連假後辛勤工作嘅自己，就加$5點咗盆栽炭燒咖啡珍珠，賣相同味道都一流～🍲 🥩 「一人台灣涮涮鍋商務套餐」本身諗住點日式壽喜燒，可惜當晚無提供。最後揀咗蕃茄濃湯牛肉小火鍋🍅配新竹米粉($81)，鍋物長食長有，性價比幾高。蕃茄湯底味道夠濃，滿滿嘅鍋物除咗牛肉外，仲有玉子豆腐、椰菜、蕃茄、腐皮同粟米，連埋米粉滾住食，非常入味！ #101台式休閒餐廳 #青衣城 #台灣
101台式休閒餐廳可以話係定期會去嘅台式飯堂，因為食物種類多、份量又夠，而且價錢相宜。如果大家唔想去到先等位，記得用The Gulu APP拎定飛先。今日同foodie友人一去到已經獲分發卡位，坐得十分舒適😌
食物方面，我地點咗最受歡迎嘅「一人套餐」同「一人台灣涮涮鍋商務套餐」：
🍜「一人套餐」包含主食、小食、飲品，咩都有齊就岩哂有選擇困難嘅你啦！主食揀咗台灣古早牛肉麵($83)，有三大舊已經煮得好嫩嘅牛肉同兩舊蘿蔔，而且麵嘅份量十分多。小食揀咗鹽酥雞，雖然話係套餐附送嘅小食，但都有起碼六舊。飲品超過三十款選擇，當中有一半都唔需要另外加錢添！不過為咗慰勞連假後辛勤工作嘅自己，就加$5點咗盆栽炭燒咖啡珍珠，賣相同味道都一流～
🍲 🥩 「一人台灣涮涮鍋商務套餐」本身諗住點日式壽喜燒，可惜當晚無提供。最後揀咗蕃茄濃湯牛肉小火鍋🍅配新竹米粉($81)，鍋物長食長有，性價比幾高。蕃茄湯底味道夠濃，滿滿嘅鍋物除咗牛肉外，仲有玉子豆腐、椰菜、蕃茄、腐皮同粟米，連埋米粉滾住食，非常入味！
#101台式休閒餐廳 #青衣城 #台灣菜 #台灣美食 #一人一鍋 #Shabushabu
一人套餐
4 瀏覽
0 讚好
0 留言
一人台灣涮涮鍋商務套餐
4 瀏覽
0 讚好
0 留言
張貼
