夜館 (已結業)

今日諗住同朋友食個早飯，搵咗間人流冇咁多，係太子深水埗附近既餐廳食晚餐，6點就到左，佢既全日定食都幾抵食，有埋味噌湯、前菜同生果，串燒都好有質素，仲要無加一。先黎清酒，天之户吟釀，聞一聞格外開胃，酒精味道不算濃烈，不會搶走食物味道，非常適合搭餐。不論配搭串燒還是鰻魚飯，都能平順自然品嚐，口感滑順。親子丼有滑蛋同雞，仲有d青椒、香菇、洋蔥、紫菜既配料，非常豐富。滑蛋既色澤雖然唔算好靚，但食落同雞一樣好滑嫩可口，基本上每口飯都有主食或者配料相伴，豐盛美味。蒲燒鰻魚定食既鰻魚魚肉細緻，油脂豐富，肉身夠厚，亦不會「嚡」口，似係即叫即燒，帶點膠質又煙韌。日本珍珠米脹卜卜，形狀短而飽滿，煮得極好，分明且彈牙，富有米香，鰻魚醬汁亦給得大方適量，剛好裹著飯粒，又不會太糊。每次去串燒店居酒屋都必叫牛舌、雞腎。呢度啲鹽燒牛舌($38)同雞腎($28)有鮮嫩口感，經過燒制之後，香氣四溢，軟脆又帶彈性的口感，咀嚼起來實在教人回味。蟶子嗌左兩隻，$68/隻肥美鮮甜又鮮嫩，佢無用好多調味去整，但出黎既口感同味道都適中，爽口美味。