影片
更多
2008-03-20
7 瀏覽
好少收工到尖沙咀晚飯, 最怕人多, 正所謂年紀大; 機器壞, 行多幾步都氣喘. 行到海運中心終於見到全亞洲最大LV旗艦店, 金碧輝煌無得頂, 奇怪唔駛排隊, 隔離Chanel反而要排. 有錢人心態真難明, 我諗一世都唔會明, 亦無必要明.上到LCX竟然有"Elle" Show睇, 有黃宗澤(好型好靚仔); 關心研(保養得好, 睇見粉絲叫到嗌救命, haha), 仲有"你當我是什麼"關楚耀. 由於無DC仔在身無相睇. 其實我都幾鍾意食日本野, 食得貴又唔捨得, 結果選擇到尖沙咀"定食DORAYA"8:00到達要等10分鐘先有位, 坐落已經有杯熱茶0係台面抵讚, 睇門面已經知道這裡出名係食乜野啦, 難得一到梗要試試.不過都要睇下Menu先$128同$98, 十分抵食, 急不及待落單, 加$10轉的蜆肉味噌湯, 驚唔夠飽叫多一客鹽燒雞翼. 好快就有野食....... 特選藍鰭吞拿魚片定食(配蒸蛋, 味噌湯, 前菜) 吞拿魚入口即溶, 配上我喜愛的紫菜, 天衣無縫. 理得它是藍鰭黑鰭紅鰭...好食就得味噌湯都有7-8隻蜆, 收貨.藍鰭吞拿魚扒飯定食(配蒸蛋, 味噌湯, 前菜) 2種變化, 由入
行到海運中心終於見到全亞洲最大LV旗艦店, 金碧輝煌無得頂, 奇怪唔駛排隊, 隔離Chanel反而要排. 有錢人心態真難明, 我諗一世都唔會明, 亦無必要明.
上到LCX竟然有"Elle" Show睇, 有黃宗澤(好型好靚仔); 關心研(保養得好, 睇見粉絲叫到嗌救命, haha), 仲有"你當我是什麼"關楚耀. 由於無DC仔在身無相睇.
其實我都幾鍾意食日本野, 食得貴又唔捨得, 結果選擇到尖沙咀"定食DORAYA"
8:00到達要等10分鐘先有位, 坐落已經有杯熱茶0係台面抵讚, 睇門面已經知道這裡出名係食乜野啦, 難得一到梗要試試.
不過都要睇下Menu先
$128同$98, 十分抵食, 急不及待落單, 加$10轉的蜆肉味噌湯, 驚唔夠飽叫多一客鹽燒雞翼.
好快就有野食.......
特選藍鰭吞拿魚片定食(配蒸蛋, 味噌湯, 前菜) [由於蜆肉味噌湯製作需時, 不能同時上台]
吞拿魚入口即溶, 配上我喜愛的紫菜, 天衣無縫. 理得它是藍鰭黑鰭紅鰭...好食就得
味噌湯都有7-8隻蜆, 收貨.
藍鰭吞拿魚扒飯定食(配蒸蛋, 味噌湯, 前菜)
2種變化, 由入口咸咸地變成溶化感覺, 好得~ 不過有根, $98 仲想點?
鹽燒雞翼, 無難度~自問整得好過佢. 填飽之選~
服務很好, 成日主動加水. 埋單都只係$320, 很滿意~ 另好多日本人去食, 有興趣可以一試.
p.s. 影相期間, 見到對面女人笑我影相, 真不明白有什麼好笑, 影食物相都唔得嗎?
張貼
