影片
更多
2021-09-21
421 瀏覽
每逢與元朗朋友小聚，總會相約於YOHO嘅GLASS HOUSE，貪坐得舒服又無人趕。餐廳坐落於角落，雖然係室內，但半開放式嘅無蓋設計既開揚又隱私度高，日間可坐出面曬曬日光，夜晚坐內裡夠寧靜隱蔽。$448嘅二人套餐絕對能滿足大胃王胃口，兩款頭款兩碗餐湯兩份主食仲包餐飲甜品，細食嘅女士可以三人點份套餐加配一份小食。某啲款式需要on top +$28-48，豐儉由人。空間大、人手略有不足，雖然等咗一陣先落到單，但上菜效率高；餐湯預先煮好，下單不久已經上枱。粟米忌廉湯入口有質感，能品嚐到香甜帶沙嘅粟米糜蓉；龍蝦湯帶濃烈嘅海水咸鮮，加上少許忌廉同橄欖油，口感更醇滑豐厚。同餐牌相片有些微出入，吞拿魚生片變咗水浸吞拿魚，沙律菜以簡單黑醋調味，酸甜清爽，配上雞蛋，係道營養均衡嘅前菜。同一般泰式蝦餅不同，比起吉列炸更接近半煎炸，無咁油膩，蝦蓉中似加咗蟹柳，食起嚟有啲帶絲質感。足料芝士及五花肉片舖面，配以松露炒成嘅飯底乾爽且粒粒分明；菇菌香令炒飯更輕盈，比火腿或肉粒等常見配料少咗份飽滯及油膩感。西冷非常厚身，目測有八安士，雖然筋佔比多，但撇除筋位，肉質尚算嫩身；ORDER嘅RARE煎得剛剛好，唔會OVER
餐廳坐落於角落，雖然係室內，但半開放式嘅無蓋設計既開揚又隱私度高，日間可坐出面曬曬日光，夜晚坐內裡夠寧靜隱蔽。
$448嘅二人套餐絕對能滿足大胃王胃口，兩款頭款兩碗餐湯兩份主食仲包餐飲甜品，細食嘅女士可以三人點份套餐加配一份小食。
某啲款式需要on top +$28-48，豐儉由人。
空間大、人手略有不足，雖然等咗一陣先落到單，但上菜效率高；
餐湯預先煮好，下單不久已經上枱。
粟米忌廉湯入口有質感，能品嚐到香甜帶沙嘅粟米糜蓉；
龍蝦湯帶濃烈嘅海水咸鮮，加上少許忌廉同橄欖油，口感更醇滑豐厚。
同餐牌相片有些微出入，吞拿魚生片變咗水浸吞拿魚，沙律菜以簡單黑醋調味，酸甜清爽，配上雞蛋，係道營養均衡嘅前菜。
同一般泰式蝦餅不同，比起吉列炸更接近半煎炸，無咁油膩，蝦蓉中似加咗蟹柳，食起嚟有啲帶絲質感。
足料芝士及五花肉片舖面，配以松露炒成嘅飯底乾爽且粒粒分明；
菇菌香令炒飯更輕盈，比火腿或肉粒等常見配料少咗份飽滯及油膩感。
西冷非常厚身，目測有八安士，雖然筋佔比多，但撇除筋位，肉質尚算嫩身；
ORDER嘅RARE煎得剛剛好，唔會OVERCOOKED。反而所謂秘制嘅京醬鹹咗啲，感覺單食會比淋醬更佳。
甜品要咗焗牛油曲奇同是日精選蛋糕各一，蛋糕好MINI，係帶軟滑奶油夾心嘅SPONGE CAKE，莓果口味酸酸甜甜，清甜不膩；
牛油曲奇好鬆脆，係近似MRS FIELD嘅美式曲奇，上面仲有啲CRUMBLE香香脆脆，加埋雪糕，邪惡得嚟又令人忍俊不及一啖接一啖。
張貼
