金碧酒樓

營業中

休息中

對上兩個月嚟過食蛇筵, 由於太好味道嘅原固當晚即席予約試試佢哋嘅老派粵菜, 但估唔到食晚飯都要予約成2個月(蛇筵重誇張, 我係4月訂台, 12月先食)。當晚先上杏汁豬肺湯，杏汁味濃郁，肺有煎過，足料，但豬肺略嫌洗得唔夠白，但好味。蠔豉生菜包，分量多，蠔豉豬肉刴到好似黑胡椒粒咁碎, 咬落每啖都有蠔豉嘅平實口感同鹹香加埋豬肉粒嘅咬口，再加生菜包嘅爽脆與清新，整個菜平衡做得好好，有別與老派粵菜偏鹹嘅味道，此道菜好吃。錦滷雲吞，做法正宗， 雲吞片絶對唔係薄切切！鬆化，唔粉，炸得透，熱辣辣，配酸汁加叉橈鮮尤同吃，襯熱吃，絶品。順德鯇魚腸蒸蛋，坊間魚腸一般是焗，此處做法為蒸，原因為魚腸焗比蒸較為好處理，但焗就吃不到魚腸獨有的鮮味及質感，魚腸變得老化沒那麼好吃。固金碧此道順德鯇魚腸蒸蛋對自家的信心甚高，魚腸的鮮味，雞蛋香味，果皮特有甘味三者配合得非常立體，有層次，同為絶品。八寶鴨，絶對老派粵菜味道，鴨肉鬆化不黐牙，連子同樣鬆化香甜好吃，而伴碟的芥菜膽伴以鴨汁共吃可口，絶品。紅燒元蹄，極度邪惡的一道菜，肥肉煮至啫哩一樣，入口即化，元蹄煮致肥而不膩，時間工夫缺一不可，必吃！同為絶品。紅燒龍躉尾，老饕最愛