影片
更多
2023-11-02
122 瀏覽
早幾日喺OpenRice睇吓尖沙咀又有啲咩好食，俾我碌到呢間幾特別嘅餐廳，主打舞台環境同埋現場演唱，結合音樂同埋美食兩樣嘢，呢個主題喺香港好似好少見，所以今晚就同男朋友嚟呢度食晚飯睇吓到底係點樣。我哋今次試咗佢嘅Tasting Menu，有appetizer，daily soup，main course，而飲品方面就mocktail/汽水/果汁揀一樣。Mocktail加入熱情果同芒果，甜得幾帶少少酸，都幾開胃，唔錯。餐湯一啲都唔Hea，係足料既又creamy蕃茄湯，仲落左少少黑松露醬，令成個味道提升咗。〈意式焗蟹餅伴青芥末蛋黃醬及黑魚子〉喺餅嘅外皮炸得好香脆，入面係充滿着滿滿嘅蟹肉好足料，味道濃郁，再配埋面頭嘅青芥末蛋黃醬同埋黑魚子，令到成個味道好有層次。〈西班牙蒜片欖油辣虎蝦〉面頭有一張黑紙鋪係隻碟上面，店員上菜之後會用打火機燒着張紙，然後張紙就會好似變魔術咁樣瞬間燒到唔見咗，到最後就會見到大大隻嘅虎蝦。我個人好鍾意佢嘅蒜片欖油，惹味得黎帶微辣，而蒜片仲係脆卜卜嘅。虎蝦大大隻，尚算入味，肉質D彈牙。〈慢煮西班牙燒春雞伴燒肉桂菠蘿〉燒春雞都大大隻，做到肉質軟嫩juicy，有水準。而佢嘅
我哋今次試咗佢嘅Tasting Menu，有appetizer，daily soup，main course，而飲品方面就mocktail/汽水/果汁揀一樣。
Mocktail加入熱情果同芒果，甜得幾帶少少酸，都幾開胃，唔錯。
餐湯一啲都唔Hea，係足料既又creamy蕃茄湯，仲落左少少黑松露醬，令成個味道提升咗。
〈意式焗蟹餅伴青芥末蛋黃醬及黑魚子〉
喺餅嘅外皮炸得好香脆，入面係充滿着滿滿嘅蟹肉好足料，味道濃郁，再配埋面頭嘅青芥末蛋黃醬同埋黑魚子，令到成個味道好有層次。
〈西班牙蒜片欖油辣虎蝦〉
面頭有一張黑紙鋪係隻碟上面，店員上菜之後會用打火機燒着張紙，然後張紙就會好似變魔術咁樣瞬間燒到唔見咗，到最後就會見到大大隻嘅虎蝦。我個人好鍾意佢嘅蒜片欖油，惹味得黎帶微辣，而蒜片仲係脆卜卜嘅。虎蝦大大隻，尚算入味，肉質D彈牙。
〈慢煮西班牙燒春雞伴燒肉桂菠蘿〉
燒春雞都大大隻，做到肉質軟嫩juicy，有水準。而佢嘅燒菠蘿都唔頹，係原片菠蘿，而且面頭塗滿晒肉桂咁燒，上枱時都仲係熱辣辣，肉桂嘅味道同菠蘿嘅甜酸味非常夾。
〈烤美國安格斯西冷牛扒伴紅酒燒汁〉
前面食咗咁多樣嘢，覺得每一樣都非常之有水準，所以我地對呢一個西冷牛扒都幾有信心，果然都係水準之作。西冷牛扒一啲都唔會怕烤得太乾太老，入面都仲係粉紅色，而且上枱嘅時候已經切好晒一片片，啱晒我呢啲懶人，點埋紅酒燒汁食，一流。
呢度嘅舞台環境同埋現場演唱令到成個用餐體驗增色不少，氣氛好好，我哋仲有用VSING app向枱上面演唱嘅人送禮物表達支持。本身仲以為呢度純粹係食佢嘅gimmick，對食物冇咩特別大嘅期望，但係估唔到呢度嘅每一樣嘢食都好有水準，完全係超乎我嘅期望，推薦！
張貼
